Përgatituni për diçka që nuk e kemi parë kurrë më parë në rajonin tonë! Nga 27-30 Nëntor 2025, Shkupi do të presë Startup Revolution Ai Summit – një event katërditor rajonal që bashkon vizionarë nga bota e teknologjisë, sipërmarrjes dhe inteligjencës artificiale.
I organizuar nga Startup Club Skopje, Samiti do të mirëpresë mbi 1,000 pjesëmarrës nga e gjithë rajoni – startup-e, investitorë, studiues, studentë, freelancer-ë dhe entuziastë të AI. Programi nis në Filarmoninë e Maqedonisë me fjalime kryesore, diskutime paneli dhe ceremoninë zyrtare të hapjes, dhe vazhdon në Operën dhe Baletin e Maqedonisë, ku do të zhvillohen eventet finale, prezantimet për investitorë, ekspozita e startup-eve dhe ceremonia e mbylljes. Këto dy skena ikonike, të vendosura në zemër të Shkupit, do të shndërrohen në epiqendër të inovacionit dhe frymëzimit.
Prisni folës ndërkombëtarë nga e gjithë Evropa e më gjerë, workshop-e praktike, takime me investitorë, mundësi për networking dhe përmbajtje që pasqyron valën e re të transformimit që AI po sjell në ekosistemin e startup-eve.
Samiti është një evolucion natyral i podcast-it të suksesshëm “Startup Revolution”, krijuar nga ekipi i Startup Club Skopje. Ajo që filloi si një platformë diskutimesh është shndërruar në një lëvizje rajonale – dhe tani kulmon me samitin më të madh të startup-eve dhe AI të mbajtur ndonjëherë në Maqedoni.
Por ky nuk është thjesht një event – është një ftesë për të gjithë ata që duan të formësojnë të ardhmen teknologjike: qoftë një themelues startup-i, praktikues i AI, studiues, inovator i ri, apo thjesht i/e interesuar për ndryshimet që po ndodhin para syve tanë. Startup Revolution Summit.ai do të jetë vendi ku idetë, njerëzit dhe mundësitë takohen – duke lidhur ekosistemin rajonal me skenën globale të inovacionit.
Në kuadër të Samitit, po lançojmë edhe një thirrje publike për të hartuar ekosistemin rajonal të AI – një iniciativë që fton të gjithë aktorët aktivë në fushën e inteligjencës artificiale të bashkohen: startup-e, kompani, investitorë, freelancer-ë, studiues, institucione akademike dhe organizata. Çdo pjesëmarrës do të përfshihet në një hartë vizuale interaktive dhe në një broshurë të veçantë të shtypur, të cilat do të prezantohen në Samit dhe do t’u shpërndahen të pranishmëve. Kjo hartë do të shërbejë si një mjet i fuqishëm për networking, pozicionim rajonal dhe krijimin e bashkëpunimeve të reja.
Nëse jeni pjesë e ekosistemit të AI – përfshihuni, lini gjurmën tuaj dhe bëhuni pjesë e historisë që po ndërtojmë së bashku.
Më shumë informacion dhe aplikime: www.startuprevolution.ai
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
