Eventi Rajonal Online "Një klik larg drejt sipërmarrjes!" - Business Magazine Albania

Eventi Rajonal Online “Një klik larg drejt sipërmarrjes!”

20-10-2021 10:00:00 Join

Partnerët Shqipëri i ftojnë të gjithë për të marrë pjesë në aktivitetin Rajonal “Një klik larg drejt sipërmarrjes!” që do të organizohet online më 20 Tetor 2021, në orën 10:00 – 12:00 9 (CET).

Në këtë event Partnerët Shqipëri do të ndajnë me ju mundësitë më të reja dhe më emocionuese për zhvillimin e bizneseve të reja (startups) në Rajonin e Ballkanit Perëndimor, duke bashkuar të gjithë aktorët e interesuar, përfaqësuesit e komunitetit të donatorëve dhe autoritetet publike, firmat e kapitalit të sipërmarrjes, engjëjt e biznesit, qendrat e nxitjes së sipërmarrjes, programet e akselerimit, organizatat mbështetëse, startupet e suksesshme dhe organizatat e shoqërisë civile nga 6 vendet e Ballkanit Perëndimor.

Panelistët e nderuar në këtë aktivitet do të diskutojnë mbi mundësitë, mekanizmat mbështetës dhe rolin e rëndësishëm që startupet dhe sipërmarrjet e reja mund të luajnë në ekonominë dhe shoqërinë e ardhshme të rajonit. Ata do të ofrojnë njohuri dhe do të diskutojnë mbi kornizat ligjore dhe rregullatore kombëtare, politikat dhe instrumentet mbështetëse ekzistuese për startupet, sipërmarrjen dhe efektivitetin e tyre, mbi financimin, rrjetëzimin dhe mundësitë e investimeve, si elementë kryesorë për fuqizimin e ekosistemit të startupeve.

Në këtë drejtim, platforma Dua Partner Invest, nisma e fundit e Partnerëve Shqipëri në fushën e sipërmarrjes dhe inovacionit, do të prezantohet zyrtarisht për një audiencë të gjerë. Kjo qendër virtuale i shërben komunitetit të startupeve në 6 vendet e Ballkanit Perëndimor, për të rritur lidhjet, shtrirjen dhe lehtëson mundësitë e aksesit në financa.

Ne do ta vlerësonim shumë pjesëmarrjen tuaj në këtë event, në shërbim të rritjes dhe forcimit të bashkëpunimit rajonal!

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0