Organizatat koordinatore të Enterprise Europe Network, Qendra për Promovimin e Konkurueshmërisë në Shqipëri, (EEN-ALBANIA) dhe REA Prishtina, Kosovë (EEN-KOSOVO) me mbështetjen e Bankës Evropiane për Ndërtim dhe Zhvillim (BERZH) dhe Dhomës Ekonomike të Gruas organizojnë më 28 mars ora 09.30 Workshopin me temë” Mundësi për biznesin për akses në Grante Evropiane” në Maritim Hotel Plaza Tirana.
Në këtë workshop do të jepet informacion fillimisht për Programin e Tregut Unik të BE-së (Single Market Programme), si instrument financues për Enterprise Europe Network, ku edhe Shqipëria është bërë pjesë.
Më tej do të jepet informacion për mundësitë e bizneseve për të marrë shërbime nga organizatat shqiptare që janë pjesë e Enterprise Europe Network, si dhe mundësitë e hapura për kompanite shqiptare per të aksesuar në grante të BE-së.
Specifikisht, thirrjet e hapura për grante ju drejtohen kompanive të:
- Startup-e shumë inovative të drejtuara nga gratë, por jo vetem
- Të gjithë sektorëve të prodhimit, përfshirë edhe minierat dhe guroret që synojnë të ulin konsumin e energjisë (elektrike, gaz, karburante, qymyr), që synojnë të ulin rreth 5% brenda 1 viti konsumin e energjisë
- Marinës dhe turizmit bregdetar, ku përfshihen porte dhe marina; shërbime të anijeve sportive dhe rekreative, prodhim dhe shitje të mjeteve lundruese sportive, aktivitete të sporteve ujore, etj.
Ju mund të merrni pjesë duke u regjistruar Këtu
Më poshtë gjeni axhendën e workshop-it.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
