Jeni themelues i një startup-i nga Shqipëria? Keni një ide të mirë biznesi që doni ta zhvilloni? Jeni i sfiduar në sipërmarrjen tuaj të re?
2-AL Institut ju fton në një takim online me ekspertë të fushës dhe aktorë të ekosistemit të startup-eve në Vjenë.
“Tirana Meets Vienna Startups” është eventi që do të zhvillohet online me 25 Prill.
Me startup-et nga Viena do të keni mundësi të diskutoni për sfidat tuaja, të shkëmbeni përvojat dhe të mund të orientoheni nga ekspertët, e pse jo të ndërtoni bashkëpunime.
Ju mund të zhvilloni më tej idenë/prototipin tuaj, falë bashkëpunimit të ekspertëvë shqiptarë që jetojnë në dy vendet.
Takimi zhvillohet nga 2-AL Institute, i cili ka në fokus mbështetjen e biznesit, nxitjen e inovacionit dhe fuqizimin e startup-eve. Duke nisur nga kjo pranverë, Insitituti do të vijë me nismat e tij, të cilat do të ofrojnë më shumë mundësi për startup-et. Më të mirët e tyre do të kenë dyert e hapura për zhvillim të mëtejshëm në Austri. Një degë e veçantë zhvillimi është ai i startup-eve drejtuar nga gra dhe vajza.
“Tirana Meets Vienna Startups” është një urë lidhëse mes startup-eve të dy vendeve.
Apliko për t’u bërë pjesë e takimit online!
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
