Fondacioni Shqiptaro – Amerikan për Zhvillim (AADF), në kuadër të projektit “CleanScore”, ka sjellë për lexuesit pesë botime cilësore: “Biznesi ndërkombëtar”, “Financat personale”, “Kontabiliteti financiar”, “Sipërmarrja” dhe “Bazat e menaxhimit”.
Drejtuesit e këtij projekti, përkthyesit dhe konsulentët e këtyre botimeve janë ftuar në “Festivalin e Librit – Bukinist 2021” për të biseduar rreth vlerave që kanë dhe risive që sjellin këto tekste në fushën e botimeve universitare. Ata do të flasin rreth këtyre botimeve me z. Sokol Ymeri, menaxher projekti për edukimin pranë AADF, Prof. Dr. Ilia Kriston, rektor i TBU-së, dhe pedagogët Dr. Perseta Grabova dhe Dr. Rezart Prifti, të cilët kanë kontribuar përmes përkthimit dhe konsulencës për ardhjen e këtyre teksteve në gjuhën shqipe.
Projekti “CleanScore” synon rritjen e cilësisë dhe të transparencës në arsimin e lartë nëpërmjet korrigjimit të automatizuar të provimeve, si dhe zëvendësimin e teksteve universitare me tekste ndërkombëtare.
Këto botime tashmë janë edhe në platformën më të madhe online të librit në Shqipëri.
Për t’u bërë pjesë e takimit klikoni JOIN.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
