Europa vendos heqjen e tarifave roaming, që nga 15 Qershori  - Business Magazine Albania

Europa vendos heqjen e tarifave roaming, që nga 15 Qershori 


Marrëveshja për heqjen e tarifave roaming në mesin e vendeve anëtare të Bashkimit Europian është një hap më pranë finalizimit pas një akordi të arritur në Parlamentin Europian.

Tarifat e shërbimeve me shumicë që operatorët duhet t’i paguajnë njëri tjetrit ishte gjëegjëza e fundit e një plani disa vjeçar për të rrëzuar tarifat roaming në mënyrë që qytetarët Europian të përdorin telefonat e tyre jashtë vendit pa kosto ekstra.

Konsumatorët paguajnë tarifa ekstra sa herë që udhëtojnë jashtë vendit të tyre. Kjo është një kosto shtesë krahas kostos normale të thirrjes.

Tarifat e reja me shumicë duhet të jenë mjaftueshëm të ulëta në mënyrë që operatorët t’u ofrojnë konsumatorëve shërbim roaming pa pagesë ekstra por të larta në mënyrë që të mbulojnë kostot e shërbimit.

“Roam si në Shtëpi”

Ky term, jo i panjohur për shqiptarët i cili u soll nga Telekom Albania dy vite më parë por që u zhduk papritmas nga webiste-i i tyre, për Europën është një proces i cili ka filluar 10 vite më parë.

Tashmë duke filluar nga vera e këtij viti, 15 Qershor ekzaktësisht, qytetarët mund të kryejnë telefonata, të dërgojnë mesazhe dhe të navigojnë në internet sikur të ishin në vendin e tyre.

Nën marrëveshjen e re duke filluar nga 15 Qershori, tarifat me shumicë mes operatorëve do të jenë 7.7 Euro për Gigabite nga 50 Euro që ishte më parë. Çmimi do të bjerë akoma më tej më 1 Janar të 2018-tës në 2.5 Euro për Gigabite.

Çfarë ndryshon në Shqipëri?

Asgjë! Marrëveshja roaming shtrihet vetëm në 28 vendet anëtare të Bashkimit Europian. Ngelet në dorë të operatorëve nëse duan të tarifojnë konsumatorët e tyre ose jo apo të ofrojnë promocione pavarësisht nëse kompania e cila u ofron shërbimin ka aktivitet ndërkombëtar.

Burimi: pcworld.al

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0