Shërbimi i internetit i SpaceX Starlink është i disponueshëm në Ukrainë dhe më shumë terminale po shtohen në vend, sipas CEO-s së kompanisë Elon Musk.
Ukraina momentalisht ka ndërprerje të internetit mes konfliktit ku trupat ruse përparojnë dhe raketat godasin infrastrukturën kryesore të vendit. Grupi i monitorimit NetBlocks tha të enjten se ndërprerjet ishin gjurmuar në pjesën më të madhe të Ukrainës, përfshirë kryeqytetin Kiev.
Të shtunën, Musk u pyet nga një zyrtar i qeverisë ukrainase nëse do të ofronte më shumë nga stacionet e Starlink.
“Ndërsa përpiqeni të kolonizoni Marsin, Rusia përpiqet të pushtojë Ukrainën! Ndërsa raketat tuaja zbarkojnë me sukses nga hapësira, raketat ruse sulmojnë njerëzit civilë ukrainas! Ne ju kërkojmë t’i siguroni Ukrainës stacionet e Starlink” tha Mykhailo Fedorov, zëvendëskryeministër i Ukrainës dhe ministër i transformimit dixhital.
Musk u përgjigj të shtunën vonë përmes Twitter duke thënë: “Shërbimi Starlink tani është aktiv në Ukrainë. Më shumë terminale do të vijnë gjatë rrugës.”
Lexo edhe: Bota po përgatitet për një luftë globale kibernetike teksa Rusia pushton Ukrainën
Starlink dëshiron t’i sigurojë botës internet më të shpejtë, duke filluar nga përmirësimi i aksesit me internet në ato vende të botës ku aktualisht nuk ka shërbim me internet.
Ai i lejon njerëzit të lidhen me internetin përmes një pjate satelitore që vendoset në ose afër pronës së një personi. Interneti transmetohet deri në pjatë nëpërmjet një rrjeti satelitësh Starlink që janë vënë në orbitë nga SpaceX dhe stacionet tokësore.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
