Elon Musk po krijon një qytet në Teksas. Do të quhet Starbase dhe do të drejtohet nga 'The Doge'. - Business Magazine Albania

Elon Musk po krijon një qytet në Teksas. Do të quhet Starbase dhe do të drejtohet nga ‘The Doge’.

Projekti i ri i CEO-s së SpaceX do të marrë përsipër qytetin e Boca Chica, ku Elon Musk po ndërton raketën e tij Starship. Nëse dikush ka aftësinë të befasojë botën me projektet e tij ambicioze, ai është Elon Musk. Miliarderi njoftoi se po ndërton një qytet të ri në Teksas që do të quhet Starbase, rreth faqes së lëshimit të raketave të kompanisë së tij SpaceX.

I mësuar të shkaktojë trazira duke postuar vetëm disa fjalë, Musk postoi në Twitter se ai ishte “duke krijuar qytetin e Starbase, Texas”.

Lexo: Si të kuptoni nëse keni zgjedhur idenë ideale për startup

Më vonë, ai aludoi për projektin e tij për të kolonizuar planetin e kuq, duke lënë të kuptohet se Starbase do të ishte vetëm fillimi për të shkuar më tej.

-“Nga atje në Mars. Dhe me rradhë deri tek yjet”,- detajoi CEO i Tesla-s.

“Manjati”, i cili aktualisht është personi i dytë më i pasur në botë, tha se qyteti i tij do të zërë një zonë “shumë më të madhe” sesa Boca Chica, një vend që përmban vendlëshimi për SpaceX dhe ku kompania do të ndërtojë raketën e saj Starship.

Lexo: A do të jenë hologramet risia e radhës në vendin e punës pas-pandemisë?

Elon Musk ndau disa karakteristika që qyteti i tij i ri do të kishte, të tilla si të qenit miqësor ndaj qenve. Ai gjithashtu la të kuptohej se do të drejtohej nga “The Doge”, i cili mund të interpretohet në dy mënyra.

Nga njëra anë, është një referencë për Doges, ish-sundimtarët e Venecias dhe Genova. Ai gjithashtu mund të jetë duke folur për Dogecoin, kriptomonedha e frymëzuar nga memet ‘Cheems’ që Musk ka përkrahur prej kohësh, e cila do të ishte edhe më interesante.

Eddie Treviño, gjyqtar për Cameron County, Texas, konfirmoi se SpaceX informoi autoritetet për qëllimin e Elon Musk: të përfshinte Boca Chica në qytetin e Starbase. Zyrtari vuri në dukje se “manjati” dhe kompania e tij duhet të jenë në përputhje me të gjitha statutet shtetërore të themelimit dhe sqaroi se qarku do të shqyrtojë çdo kërkesë në përputhje me ligjin.

Miliarderi 49-vjeçar është i vendosur ta bëjë Teksasin bazën e tij kryesore të operacioneve. Përveç qendrës së tij të nisjes në Boca Chica, SpaceX ka një strukturë provë rakete në qytetin McGregor dhe ata planifikojnë të ndërtojnë një fabrikë prodhimi në Austin. Në korrik të vitit 2020, u njoftua se fabrika e ardhshme e Teslës do të ndërtohej jashtë Austin.

Lexo: Kompjuteri që lexon trurin e njeriut

Dhjetorin e kaluar, Musk konfirmoi se ai do të lëvizte nga California në Texas dhe në të njëjtën kohë, nxorri në ankand të gjitha pronat e tij në Los Angeles për të financuar projektin e tij të kolonizimit në Mars.

ENTREPRENEUR

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0