Elon Musk fton Putin për një bisedë në Clubhouse - Business Magazine Albania

Elon Musk fton Putin për një bisedë në Clubhouse

Clubhouse është një aplikacion i ri që ka fiksuar miliona njerëz nga Amerika në Kinë. Ai u lançua në mars të vitit 2020 në SHBA dhe është një rrjet social i bazuar vetëm te bisedat audio dhe ku përdoruesit e saj mund të dëgjojnë live debate, intervista dhe diskutime të tjera mes njerëzve për tema të ndryshme.

Por risia më e fundit është se Elon Musk ka ftuar zyrtarisht presidentin rus Vladimir Putin për të zhvilluar një bisedë në këtë aplikacion. Duke etiketuar llogarinë zyrtare të Kremlinit, ai pyeti presidentin rus: “Dëshiron të bashkohesh me mua për një bisedë në Clubhouse?”. Më pas Musk, shkroi në rusisht: “Do të ishte një nder i madh të flisja me ju”.

Rusia e quajti interesante ftesën e Musk, por kërkoi më shumë detaje rreth objetit të bisedës. “Ky është sigurisht një propozim shumë interesant, por ne duhet të kuptojmë se çfarë nënkuptohet, çfarë propozohet saktësisht, dhe pastaj do të reagojmë”, tha zëdhënësi i Putinit, Dmitry Peskov.

LEXO: Clubhouse, rrjeti social i momentit

Me Clubhouse, përdoruesit mund të dëgjojnë biseda si një podcast direkt ose të marrin pjesë në diskutime. Në kontrast me rrjetet si Twitter, ju nuk mund të komentoni me shkrim postimet ose të bëni “pëlqime”. Aplikacioni aktualisht është i disponueshëm vetëm për përdoruesit e iOS.Rrjeti social i bazuar në audio nuk përmban fotografi ose video, vetëm dhoma bisedash publike dhe private. Përdoruesit kanë vetëm fotografi të profilit dhe ndjekës. Bisedat nuk regjistrohen; përdoruesit e kapërcejnë këtë duke transmetuar drejtpërdrejt biseda në platforma të tjera, përfshirë YouTube. Tashmë vlen më shumë se 1 miliard dollar dhe numëron miliona përdorues.

CNN

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0