Eksportet bien gati 4% në gjashtë muajt e parë të vitit

Eksportet bien gati 4% në gjashtë muajt e parë të vitit


Eksportet shqiptare janë në një situatë plotësisht të kundërt me vitin e kaluar. Nëse një vit më parë eksportet shënonin rritje me dy shifra, këtë vit eksportet janë në vlera negative.

Sipas të dhënave të INSTAT në gjashtë muajt e parë të këtij viti eksportet ranë 3.7% krahasuar me të njëjtën periudhë të vitit të kaluar. Ato kanë një vlerë prej 152.3 miliardë lekë. Ndërkohë, importet shënuan rritje 2.6% duke arritur në 318 miliardë lekë. Kjo ecuri bëri që deficiti tregtar të ishte mbi 9%.

Çfarë ndikoi pozitivisht dhe çfarë negativisht?

Këto gjashtë muaj kemi eksportuar shumë më pak energji elektrike e karburante. Ky grup mallrash dha ndikimin më të madh negativ në uljen vjetore të eksporteve (-4,5 pikë përqindje). Materialet e ndërtimit dhe metalet u tkurrën po ashtu, ndërsa rënia me rreth 2% ka prekur edhe grupin më të madh të mallrave të eksportuara, atë të tekstileve dhe këpucëve.

Lexo: Ulet papunësia tek të rinjtë. Ja panorama e INSTAT për papunësinë

Si ka ndryshuar shkëmbimi i mallrave me vendet e importit dhe eksportit?

Gjatë këtij gjashtëmujori, vendet me të cilat Shqipëria ka pasur rritjen më të madhe të eksporteve, në krahasim me një vit më parë, janë: Kosova (28,7 %), Gjermania (2,8 %), dhe Maqedonia e Veriut (4,2 %).

Vendet me të cilat kemi ulur eksportet janë: Italia (-0,9 %), Spanja (-24,7 %) dhe Greqia (-6,5 %). Situate me importet paraqitet disi me e “zbutur”. Rritja më e madhe e importeve u shënua me vendet si Kina (22,5 %), Greqia (10,2 %) dhe Turqia (6,5 %). Ulja më e madhe e importeve ishte me vendin fqinj Italinë (-8,0 %), si dhe Gjermaninë (-12,9 %) dhe Spanjën me (-12,1 %).

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0