A keni menduar ndonjëherë se si do të dukej një ndërtesë që qëndron pezull mbi Manhattan sepse nuk ngrihet nga toka, por varet nga hapësira? Një studio arkitekture ka krijuar vizualizime të mirëfillta për këtë koncept të pazakontë.
Studioja Clouds Architecture Office ka ideuar tërësisht një plan zhvillimi që tingëllon si fantashkencë: një qiellgërvishëse e varur përmbys nga një asteroid, që qëndron pezull mbi qytetin e New York-ut. “Analemma Tower është një propozim për ndërtesën më të lartë që është menduar ndonjëherë,” thuhet në përshkrimin e strukturës së jashtëzakonshme në faqen e Clouds. “Duke përdorur fuqinë e të menduarit planetar në dizajn, ajo shfrytëzon dëshirën për lartësi ekstreme, izolim dhe lëvizshmëri të përhershme. Nëse buma e fundit e kullave rezidenciale ka treguar që çmimi për metër katror rritet me lartësinë e katit, atëherë Analemma Tower do të arrijë çmime rekord, duke justifikuar edhe koston e saj të lartë të ndërtimit.” Kjo, sigurisht, vetëm nëse ndonjëherë mund të ndërtohet. Clouds publikoi planet për këtë ndërtesë ku banorët do të hynin me dron, pasi të kishin lëvizur midis hapësirës dhe New York-ut përmes një ashensori elektromagnetik që në vitin 2017. Edhe pse projekti rikthehet herë pas here në vëmendje online, duket se pak gjë është bërë për ta afruar me realitetin.
Lexo edhe:Shkenca hap një derë të re, pajisja që zbulon diabetin përpara se të fillojë
Propozimi fillestar parashikonte ndërtimin e Analemma mbi Dubai-n, “i cili është kthyer në një specialist për ndërtimin e kullave të larta me një të pestën e kostos së ndërtimit në New York,” thuhet në faqen e projektit. Pavarësisht nëse shkenca lejon apo jo që një qiellgërvishëse e tillë të bëhet realitet fizik, ekziston ende vlerë tregu për të. Në fakt, nuk do të ishte prona e parë e pandezëshme që shitet në qytet. Në fund të vitit të kaluar, një shtëpi që nuk ekziston ende në Dubai u shit për më shumë se 136 milionë dollarë, ndonëse nuk pritet të përfundojë para vitit 2027, raportoi në atë kohë The Post. Por sigurisht, ajo banesë pritet të ndërtohet në Tokë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
