Duhet kohë për integrimin në BE. Samiti i Sofjes: BE duhet të bëjë llogaritë me veten, ndësa Ballkani të vijojë reformat

Duhet kohë për integrimin në BE. Samiti i Sofjes: BE duhet të bëjë llogaritë me veten, ndësa Ballkani të vijojë reformat


Shqipëria dhe vende të tjera të Ballkanit janë me sytë nga BE. Por, Samiti i Sofjes, ku morën pjesë drejtues të shteteve të BE-së dhe Ballkanit Perëndimor dha mesazhin se nuk do të ketë një zgjerim të shpejtë të Bashkimit Europian.

Më i drejtpërdrejtë në këtë drejtim ishte Presidenti i Francës, Emmanuel Macron. Para mediave ai tha se, “E ardhmja e vendeve të Ballkanit është padyshim në Bashkimin Europian,,por duket kujdes dhe rigorozitet. Fillimisht duhet një reformim i thellë i unionit, në mënyrë që të kemi një funksionim më të mirë. Më pas mund të vijojmë me zgjerimin”. Sipas Macron , “Vendet e Ballkanit kanë bërë një punë të mirë me reformat, por nevojitet më shumë punë në luftën kundër korrupsionit, shtetin e së drejtës dhe emigracionin. Ne do të vijojmë të mbështesim këto vende”.

Konfirmimi se e ardhmja e Ballkanit është në BE, u theksua gjatë Samitit edhe nga presidenti i Këshillit Europian, Donald Tusk, dhe presidenti i Komisionit Europian, Jean-Claude Juncker.

Tusk tha se, “Për Ballkanin Perëndimor nuk ka Plan B, e ardhmja shihet në Bashkimin Europian. Ky samit ishte i frytshëm. Ajo që ne kemi thënë dhe i qëndrojmë është që integrimi i Ballkanit Perëndimor në BE mbetet në prioritetet tona”. Gjatë Samitit ai bëri të ditur se është folur për konektivitetin në rajon duke mos u fokusuar vetëm tek infrastruktura, por edhe tek ekonomia apo kapitali njerëzor.

“Perspektiva është e qartë, por nuk duam të nxisim pritshmëritë më shumë sesa duhet, pasi nuk do të jetë një proces i shpejtë”, tha Tusk.

Mesazhi i përbashkët i liderve të Bashkimit Europian ishte vijimi i nevojshëm i reformave nga vendet e Ballkanit Perëndimor.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0