Dubai do të lançojë diplomën e parë për influencerët e rrjeteve sociale


Programi i zhvilluar në bashkëpunim me Shkollën për Komunikim Mohammed bin Rashid (MBRSC), të Universitetit Amerikan në Dubai, planfikon të trajnojë influencerët e rrjeteve sociale arabe në komunikim strategjik dhe t’u mundësojë atyre që të prodhojnë përmbajtje efektive në platformat e rrjeteve sociale.

Programi, i shpallur për herë të parë në Tetor të vitit të kaluar, synon gjithashtu të zgjerojë njohuritë profesionale të influencerëve të rrjeteve sociale arabe dhe t’u mundësojë atyre që të prodhojnë përmbajtje inovative dhe efektive në një mjedis që po ndryshon me shpejtësi, njoftoi agjensia shtetërore e lajmeve WAM.

Lexo: Ja sa paguhen njerëzit më të famshëm në botë për postimet e sponsorizuara në Instagram

Mona Al Marri, presidente e Dubai Press Club, tha: “Programi është në përputhje me vizionin e Dubai-t për të zhvilluar dhe fuqizuar individë të talentuar në fusha të ndryshme dhe të fuqizojë rolin dhe kontributin e tyre në komunitet.

“Lançimi i programit të parë akademik të këtij lloji në rajonin e Lindjes së Mesme dhe Afrikës së Veriut për influencerët e rrjeteve sociale, do të ketë një ndikim të drejtpërdrejtë pozitiv në përmbajtjen e medias që prodhohet në platformat e rrjeteve sociale në të gjithë rajonin.”

Ali Jaber, Dekan i MBRSC, theksoi rëndësinë e programit dhe tha se reflekton strategjinë dhe angazhimin e MBRSC për zhvillimin e talenteve në fushën e medias dhe komunikimit.

Ai tha: “Programi u zhvillua nga një grup elitar profesorësh universitetar me specializime të ndryshme në media, komunikime strategjike, gazetari dhe inovacion mediatik. Ai do të përfshijë të gjitha aspektet e rrjeteve sociale përmes gjashtë kurseve”.

Lexo: Një influencer shpjegon se si i ka fituar 50,000 dollarë nga video-ja e tij në YouTube

Arabianbusiness

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale