“Duan kushte më të mira”/Mungesa e fuqisë punëtore pritet të zgjasë në kohë sipas statistikave - Business Magazine Albania

“Duan kushte më të mira”/Mungesa e fuqisë punëtore pritet të zgjasë në kohë sipas statistikave

Ndërsa shifrat më të fundit për gjendjen e vendeve të punës në Amerikë tregojnë se SHBA-ja është ende duke u zvarritur drejt rimëkëmbjes ekonomike, një gjë mbeti e qëndrueshme: Ekonomia ende nuk po funksionon për miliona punëtorë.

Edhe me lehtësimin e valës Delta, numri i vendeve të punës të shtuara në nëntor ishte i vogël në krahasim me pritshmëritë.

Në nëntor, 7.4 milionë amerikanë plotësonin përkufizimin zyrtar të qeverisë për të qenë të papunë.

Midis tyre, 2.2 milionë kanë qenë të papunë për të paktën 27 javë, duke sugjeruar se shumë punëtorë potencialë kanë luftuar për të gjetur një punë për muaj të tërë.

Lexo edhe: 20 milionë veta në SHBA hoqën dorë nga puna. A po vjen vala e “Dorëheqjeve” edhe në Evropë

Përveç të papunëve zyrtarë, 4.3 milionë amerikanë janë punësuar me kohë të pjesshme për arsye ekonomike, ndërsa 5.9 milionë njerëz që nuk po kërkojnë në mënyrë aktive punë, por ende thonë se duan një punë, nuk po shohin shumë përmirësim.

Shtoni këto tre grupe dhe të paktën 12.4 milionë amerikanë të tjerë thjesht nuk po marrin atë që u nevojitet nga ekonomia tani.

“Numri i punëtorëve të dekurajuar, një nëngrup i atyre që besonin se nuk kishte punë të disponueshme për ta, ishte në thelb i pandryshuar gjatë muajit në 450,000,” shtoi byroja e statistikave.

Kjo mund të duket në kundërshtim me raportet për mungesa të vazhdueshme të fuqisë punëtore, por në fakt mund të sjellë një këndvështrim më të thellë të çështjes. Njerëzit duan të punojnë, por punët e disponueshme për ta nuk janë të përshtatshme – ose standardet e tyre kanë ndryshuar.  Më parë, industria me paga të ulëta kishte udhëhequr punësimin, me pagat që rriteshin muaj pas muaji.  Por në nëntor, punësimi “ndryshoi strukturë”, sipas BLS, dhe pagat për punonjësit jombikëqyrës në fakt ranë.

Disa punonjës që kanë dhënë dorëheqjen thonë se “jeta është shumë e shkurtër për të qëndruar në një punë që nuk e kishin pasion”.  Krizat e kujdesit për fëmijët dhe frika e COVID-19 gjithashtu duket se nuk do të zvogëlohen së shpejti, pasi numri i punonjësve të çerdheve bie teksa një variant i ri përhapet nëpër SHBA.  Të gjithë këta faktorë sugjerojnë se mungesa e fuqisë punëtore mund të qëndrojë për shumë kohë, ndoshta edhe përgjithmonë.

“Mungesat e fuqisë punëtore nuk do të zhduken së shpejti, sepse pandemia vazhdon ende,” tha për Insider Daniel Zhao, një ekonomist i lartë në Glassdoor.  Edhe nëse punëdhënësit ngadalësojnë punësimin për shkak të pandemisë, punëtorët ka të ngjarë të ndalojnë kthimin.  “Mosekuilibri midis ofertës dhe kërkesës është ende mjaft i madh”

Business Insider

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0