Drejt prenotimeve të hoteleve, Airbnb blen HotelTonight

Drejt prenotimeve të hoteleve, Airbnb blen HotelTonight


Airbnb dëshiron të bëhet vend i parë për këdo që do të rezervojë një vend për t’u akomoduar gjatë një udhëtimi – edhe nëse dëshiron të qëndrojë në një hotel. Kompania, e cila ndërtoi një biznes me vlerë 31 miliardë dollarë, duke i akomoduar udhëtarët tek pronarët e shtëpive, ka blerë platformën e prenotimit të minutës së fundit HotelTonight.

Lexoni: Aplikacionet që iu nevojiten ndërsa udhëtoni nëpër botë

Airbnb do të vazhdojë të udhëheqë markën e HotelTonight, duke përfshirë faqen e saj të internetit dhe aplikacionin për prenotim. CEO i HotelTonight, Sam Shank, tani do të drejtojë linjën e biznesit të hotelit në Airbnb dhe shumica e punonjësve të kompanisë do të bashkohen me Airbnb.

Është një blerje simbolike për kompaninë e udhëtimit, që ka qenë në një marrëdhënie dashuri-urrejtje me industrinë e hoteleve për vite me radhë. Edhe pse Airbnb dhe industria hoteliere kanë zhvilluar debate të ashpra në qytete si New York gjatë 10 viteve të fundit, ajo gradualisht po e ngroh marrëdhënien me industrinë e hoteleve. Në Shkurt të vitit 2018, Airbnb njoftoi se hotelet do të jenë një kategori e veçantë në faqen e saj. Në atë kohë, ajo kishte 24,000 dhoma hoteli dhe mbi 180,000 B&B (Krevat+mëngjes). Këto numra janë më shumë se dyfishuar gjatë vitit të kaluar, sipas Airbnb.

Shtimi i HotelTonight do të ndihmojë imazhin e Airbnb për të qenë një vend më shumë se vetëm shtëpi pushimi ose apartamente të përbashkëta. Filloi në vitin 2010 nga Shank, një sipërmarrës udhëtimi, HotelTonight u bë i njohur për ofrimin e marrëveshjeve të shkëlqyera në rezervimet e hoteleve të minutës së fundit nëpërmjet faqes së saj të internetit dhe aplikacionit. Me një investim prej 117 milionë dollarë nga investitorë duke përfshirë Accel, Coatue Management dhe Battery Ventures, në vitin 2016, HotelTonight ishte në listën e Forbes “Next Miliard-Dollar Startups” pas gjenerimit të rreth 60 milionë dollarë në të ardhurat e atij viti.

Një vend për udhëtarët e biznesit

Prenotimet e minutës së fundit në HotelTonight bëhen veçanërisht nga udhëtarët e biznesit, një segment tregu që Airbnb po përpiqet të tërheqë për vite me radhë. Në San Francisko, për shembull, HotelTonight tregoi dhoma në Hotel Kabuki me zbritje nga $769 në $162. Një hotel Hampton Inn në San Francisko shënoi ulje nga 287 dollarë në 129 dollarë.

Airbnb thotë se hotelet duhet të përmbushin standardet e tij të mikpritjes, kështu që një zinxhir si Hampton Inn nuk ka gjasa ta prishi atë.

Lexoni: “Airbnb”: Shqipëria, më e lira në Europë pas Maqedonisë

Futja e kompanisë më thellë në industrinë e hotelit vjen gjithashtu në një kohë kur po përgatitet të bëhet publike. Është folur më parë se kompania do të jetë e gatshme për IPO deri më 1 Korrik. Gjatë viteve të fundit, Airbnb është përpjekur të zgjerohet në linja të reja biznesi si përvojat e njerëzve dhe rezervimet e restoranteve. Ajo gjithashtu ka punësuar kohët e fundit Fred Reid, ish CEO i Virgin America, për të udhëhequr eksperimentet e transportit. Me blerjen e HotelTonight, Airbnb shton edhe një biznes prenotimi të minutës së fundit.

burimi: Forbes

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0