DPT rikoncepton kontrollin e bizneseve VIP deri në 2019

DPT rikoncepton kontrollin e bizneseve VIP deri në 2019


Drejtoria e Përgjithshme e Tatimeve do të rikonceptojë kriteret për klasifikimin e bizneseve në linjën VIP.

Në planin strategjik për periudhën 2015-2019 parashikohet specializimi i ekipeve tatimore për të kontrolluar këto lloj biznesesh sipas sektorit ekonomik (p.sh., sektor financiar, telekomunikacion, energjetikë, ndërtim, prodhim, produkte farmaceutike, arsim, tregti, shërbime) dhe do të vazhdohet me mobilizimin e ekipeve me disa persona.

Po ashtu do të ngrihet një mekanizëm për monitorimin e cilësisë së kontrolleve tatimore (p.sh. shqyrtim kolegjial, sektori i kontrollit të cilësisë apo pyetësorë për tatimpaguesit). Në këtë kuadër do të shikohet edhe mundësinë e futjes së mjeteve elektronike të kontrollit tatimor dhe më pas, në bazë të tyre, do të merren vendimet, përcjell “Ora News”.

Gjatë kësaj periudhe tatimet do zbatojnë kompetencat e mbledhjes me forcë të detyrimeve për të përmirësuar efektivitetin dhe për të bërë ndryshimet e nevojshme. Do të krijohet një strukturë organizative e mbledhjes së borxhit pranë Drejtorisë së Përgjithshme dhe drejtorive rajonale.

Numri i tatimorëve që do të grumbullojnë detyrimet me forcë do të rritet 10-15 për qind. Gjithashtu do të shqyrtohen masat për të siguruar paraprakisht pagesën e tatimit mbi fitimin si dhe do të bëhen rekomandime për përmirësim (p.sh., akte ligjore e nënligjore).

Tatimet në tre vitet e ardhshme do të zhvillojnë struktura dhe sisteme për ta fuqizuar funksionin e mbledhjes së informatave dhe do ta përqendrojmë mandatin e informatave të mbledhura për hetimin e mashtrimit tatimor.

Së fundi, parashikohet rindërtimi i procesit të hetimeve për t’u marrë vetëm me hetimet dhe informatat e çështjeve penale e për t’i çliruar burimet e Task-Forcës për përparësi të tjera të administratës.

/Shekulli/

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0