Doganat dhe tatimet kontribojnë në rritjen e të ardhurave në buxhet


Të ardhurat totale në buxhet për 7 mujorin e 2016 janë 16 miliardë lekë më shumë se e njëjta periudhë e një viti më parë. Sipas të dhënave paraprake të Ministrisë së Financave, nga 216.2 miliardë lekë një vit më parë, në këtë 7 mujor janë mbledhur 232.2 miliardë.

“Tatimet dhe Doganat” mblodhën 19.3 miliardë lekë, ose 10.6 % më shumë se një vit më parë. Ndërsa krahasuar me planin, kjo shifër është 1.3 miliardë lekë më shumë.  Rritje ka patur sa i përket të ardhurave nga taksat doganore dhe akciza që siç thotë Ministria e Financave reflekton rritjen e sasisë së cigares së importuar dhe mallrave të tjera të akcizës.

Ndërsa zërat që kanë pësuar rënie janë të ardhurat nga renta minerare me 36.7 %, çka reflekton rënien drastike të çmimit të naftës në tregun ndërkombëtar, me një efekt zinxhir edhe në perfomancë jo të mirë të TVSH-së nga importi, me rënie 1.9 %.

Në kahun tjetër, atë të shpenzimeve qeveria vazhdon të kursejë duke patur një realizim prej rreth 89% krahasuar me planin ose rreth 25.4 miliardëlekë më pak. Vlerën më të madhe të mos shpenzimit e kanë ato për investime publike dhe për pushtetin vendor. Ndërsa vazhdon të kemi një suficit buxhetor prej rreth 18 miliardë lekë.

 

/Top-channel

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale