Disney ka bërë një xhakete VR që simulon përqafimet dhe gjarpërinjtë
Përditësuar së fundmi: 10/05/2018

Disney ka bërë një xhakete VR që simulon përqafimet dhe gjarpërinjtë

Share
nga Jon
Maj 10, 2018

Disney, kompania e filmave vizatimorë, ka bashkëpunuar me MIT Media Lab dhe Carnegie Melon për të nxjerrë në treg një nga produktet më të çuditshëm.

Duke bashkuar 26 qese me ajër të pavarura brenda një jeleku shpëtimi, ajo mundet të krijojë një sërë efektesh. Emri i saj? Force Jacket.

Kjo xhaketë mund të stimulojë mbledhjen e një gjarpri rreth trupit, si edhe përqafimet. Çdo qese me ajër mund të fryhet dhe shfryhet shumë shpejt. Kjo, krijon iluzionin se një veprim i caktuar po ndodh me të vërtetë. Madje ka disa nivele të përqafimit. Nga përqafim i lehtë, e deri te shtrëngimi i fortë. Qëllimi është që ndjesia të jetë më reale se ajo e simulatorëve deri më tani.

Kështu, Force Jacket mund të stimulojë gjithashtu pikat e shiut, ose rrahjet e zemrës. Gjërat bëhen akoma edhe më “serioze” ku mund të zgjedhësh midis një përqafimi fëmije apo të rrituri.

Kohët e fundit, ka patur shumë përpjekje për ta bërë VR (realitetin virtual) sa vjen edhe më real. Fokusi kryesor, është që të simulohen edhe ndjesitë më të vogla fizike. “Sense Glove” për shembull, të jep ndjesinë sikur je duke mbajtur një objekt fizik. Një fustan tjetër të jepte ndjesinë sikur po përjetoje situata të ndryshme. Por, mund të thuhet se ky është rasti i parë kur qeset me ajër, jo elektrodat, implementohet për një qëllim të tillë.

Syzet VR nuk janë ende një produkt në masë sepse ato janë ende shumë të shtrenjta. Kështu që ndoshta do të duhet edhe pak kohë që aksesorët e tjerë VR të marrin terren. Force Jacket e Disney, mund të fillojnë të përdoren në parqe të ndryshme apo kinema.

Burimi: Futurism


Evente

Le të ndërtojmë një rrjet nervor

Shtator 26, 2018
6:30 PM – 9:30 PM

Coworking Week 2018

Tetor 4, 2018
7 PM

AllWeb Albania 2018

Tetor 11, 2018
9 AM - 6 PM