Digjitalizimi i tokave, përfundon projekti pilot në Përmet. Ekonomi: Informacioni në dobi të fermerit - Business Magazine Albania

Digjitalizimi i tokave, përfundon projekti pilot në Përmet. Ekonomi: Informacioni në dobi të fermerit

Digjitalizimi i tokave

Ministrja e Bujqësisë dhe Zhvilllimit Rural Milva Ekonomi mori pjesë në takimin e organizuar në Përmet në kuadër të përfundimit të projektit “Menaxhimi efektiv i burimeve natyrore mbështetëse të ekonomisë së gjelbër për një zhvillim të qëndrueshëm në Shqipëri”. Në aktivitetin e organizuar nga FAO ishin të pranishëm dhe Kordinatorja e Përhershme për Shqipërinë, Fiona McCluney dhe Përfaqësuesi i FAO për Shqipërinë Arben Kipi.

Në fjalën e saj ministrja Ekonomi falenderoi qeverinë norvegjeze që përmes FAO dhe UN mbështeti projektin për hartën digjitale të tokës. Sipas saj, “duhet të shikojmë që çdo burim informacioni që kemi në lidhje me bujqësinë ta adresojmë për nevoja bazë që i shërbejnë gjithë komunitetit.

Ministrja Ekonomi tha se nevoja për informacion që fermerët kërkojnë pranë Qendrave të Transferimit të Teknologjisë Bujqësore është rritur.

“Është gjetur Përmeti që mund të bëjmë një projekt pilot mbi këtë ide, dhe ndërkohë që ky sistem informacioni bën të mundur që dhe një nga seksionet tona të varësisë që është Qendra e Transferimit të Teknologjive Bujqësore në Fushë Krujë, ta ketë atë si një proces për të rritur kapacitetin e saj shkencor, por dhe për të qenë më pranë atyre që duan të bëjnë politika të orientuara bujqësore dhe për t’i ardhur në ndihmë fermerëve”, u shpreh ministrja Ekonomi.

Ekonomi kërkoi nga koordinatorët e projektit, që për hartën dixhitale të tokës të nxisin kryejen sa më të shpejtë të saj në të gjithë vendin.

Koordinatorja e Përhershme për Shqipërinë, Fiona McCluney , tha se “Përmes Programit të Përbashkët të KB, kemi synuar të arrijmë Ekonominë e Gjelbër gjithëpërfshirëse për një zhvillim të qëndrueshëm në Shqipëri duke u përqëndruar në mjedisin, ndryshimin e klimës dhe reduktuar rrezikun ndaj katastrofave”.

FAO ka mbështetur qasje të reja për menaxhimin e burimeve natyrore në Luginën e Vjosës me një fokus specifik në përdorimin e qëndrueshëm të tokës, përmirësimin e pjellorisë së tokës dhe ndaluar ndotjet dhe degradimin e tokës.

Lexoni: Mikrofinanca drejt digjitalizimit. Mbi 60% e të anketuarve drejt zgjidhjeve të reja të teknologjisë

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0