Adam Grant, një psikolog nga Shkolla Wharton në Pensilvani, tha: “Mendoj se kemi disa eksperimente të mira që tregojnë se nëse redukton orët e punës, njerëzit janë në gjendje të punojnë më efektivisht, me cilësi dhe kreativitet më të lartë si dhe ata janë gjithashtu më besnikë ndaj organizatave që janë të gatshme t’u japin fleksibilitet për t’u kujdesur për jetën e tyre jashtë punës.”
Lexoni: 5 arsyet pse të rinjtë nuk duhet të varen nga një punë 9 me 5
Ekonomisti dhe historiani Rutger Bregman, autor i Utopisë për Realistët, pajtohet dhe shpjegoi se një javë më e shkurtër pune do të ndihmonte që punonjësit të bëhen më produktivë. Për shembull, Henry Ford zbuloi se nëse ai do të ndryshonte javën e punës nga 60 orë në 40 orë, punonjësit do të bëheshin më produktivë, sepse ata nuk do të ishin aq të lodhur në kohën e tyre të lirë.”
Kjo gjithashtu mbështetet nga kërkimet akademike. Studimet e shumëfishta mbështesin mendimet se një javë më e shkurtër pune do t’i bënte njerëzit më të lumtur dhe më produktivë, ndërsa shifrat e OBZHE tregojnë se vendet me një kulturë të orëve të gjata të punës shpesh kanë rezultate me të dobta për produktivitetin dhe GDB më të ulët për orët e punës.
Ndërkohë, një kompani në Zelandën e Re, e cila vuri në provë një javë pune 4 ditore, konfirmoi se do të adaptonte këtë model në mënyrë të përhershme.
Lexoni: Vetëm 4 ditë në javë! Kaq do të punohet në këtë shtet
Akademikët që studiojnë këtë kanë raportuar nivele më të ulta të stresit, nivele më të larta të kënaqësisë në punë dhe një ndjenjë të përmirësuar të ekuilibrit të punës dhe jetës. Ata gjithashtu thonë se punonjësit ishin 20% më produktivë.
Fundjavë tre ditore, a do t’ju pëlqente?
burimi: WeForum
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
