Craftypoty NE, sipërmarrja e ekositemeve të mbyllura

Craftypoty NE, sipërmarrja e ekosistemeve të mbyllura


Minibotë natyrore, natyrë në miniaturë, ekosistem zbukurues. Mund t’a quani si të dëshironi, në mënyra të ndryshme, por ajo që mbetet e pandryshueshme, është që këto krijime janë realisht të veçanta.  Ky koncept i ri në Shqipëri është krijuar nga dy studentë të arkitekturës.

Ata quhen Arnold Bezhani dhe Ejona Karkini. Edhe pse të rinj në moshë, kanë marrë një hap të rëndësishëm, krijimin e një sipërmarrje të quajtur “NE”. Kjo sipërmarrje konsiston me krijimin e ekosistemeve të mbyllura, natyrën në miniaturë. Sigurisht, që një sipërmarrje e tillë do guxim dhe ata i’a kanë dalë. Fillimisht i kanë shtyrë miqtë e tyre më të mirë për të vazhduar përpara, e më tej instagrami ka qenë ai që ka reklamuar biznesin dhe ata vetë. Për BusinessMag.al ata shprehen se prej tre vitesh kanë nisur punimet në terrariume. Fillimisht ka qenë një dëshirë e tyre, nuk e kishin menduar që do të ishte një sipërmarrje, por ja që ndodhi. Tani grupi ka pesë anëtarë Arnoldin, Ejonën, Nikin, Elsidin dhe Endrin.

Lexo: Huskymag, platforma shqiptaro-amerikane e djalit nga Durrësi

Bashkëpunimi dhe komunikimi që kanë me njëri-tjetrin, ka bërë që puna të ecë më së miri dhe t’i kalojë pritshmëritë.  Ata shprehen se është dashur shumë punë për të arritur në krijimin e asaj që sot është produkti bazë.  Këto punime të vendosura në kavanozë qelqi, përveçse po rrisin një bimë në kushte krejt normale siç rritet në tokë, janë esetike dhe zbukuruese për ambientet e brendshme.
NE
Por si arrin një bimë të rritet në një mjedis të mbyllur, a përdoren pesticide për rritjen e saj? Arnoldi dhe Ejona tregojnë për BusinessMag.al se për t’i krijuar bimës kushtet e jetesës brenda në enën prej qelqi, nevojiten rërë ose gurë, karbon, dhe bimë të thata, dekorim, myshqe si dhe në fund vetë bima. Pesticidet në punën e tyre janë dhe do të jenë në masën 0. Kërkimet në internet dhe eksperimentet e vazhdueshme, janë dora e parë ndihmëse që i’u është dhënë. Inkurajimimi shoqërisë dhe rrjeti social Instagram i ndihmoi të krijojnë një emër, por ata nuk lënë pa përmendur ndihmën e dhënë nga kryetari i Bashkisë Erion Veliaj, studiot arkitekturore dhe interesi që mediat shqiptare kanë shfaqur ndaj konceptit të biznesit të tyre.

Ata na tregojnë se së shpejti do të hapin ambientet atelie dhe studio, të cilat do të mund të vizitohen nga kushdo. “Në të ardhmen synojmë që natyra në miniaturë të jetë pjesë e shtëpisë së gjithësecilit”, – shprehen ata.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0