Të dielën në New York, epiqendrën e shpërthimit të SHBA, u raportua një rënie e numrit të infeksioneve të reja dhe vdekjeve.
“Disa gjëra shumë të mira po ndodhin në Nju Jork. Për herë të parë vdekjet ishin më të ulëta se dita paraardhëse, që është dhe rënia e parë deri tani. Ndaj kjo mund të jetë shenjë e mirë. Edhe në spitale ka nisur rënia. Ka qenë e ulët, por gjithsesi rënie”.
Presidenti Trump e përshkroi rënien si një “shenjë të mirë”, por paralajmëroi për më shumë vdekje, pasi pandemia arriti kulmin e saj në SHBA. “Në ditët në vazhdim, Amerika do të durojë kulmin e kësaj pandemie,” tha Trump, në konferencën e tij të përditshme për koronavirusin.
Megjithatë, metropoli më i njohur i SHBA-ve, pati 600 vdekje dhe mbi 7 mijë e 300 raste të reja me të infektuar.
Shtetet e Bashkuara do të përballen me një javë kritike lidhur me krizën e koronavirusit, pasi autoritetet shëndetësore paralajmëruan se kjo do të jetë java më e rëndë dhe më e trishtueshme për shumë amerikanë.
Ekspertët e shëndetësisë në Shtëpinë e Bardhë kanë parashikuar se nga epidemia mund të vdesin 100 mijë deri në 240 mijë amerikanë edhe nëse ndjekin rregullat për të qëndruar në shtëpi.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
