Beyonce ka vendosur një rekord të ri në Grammy Awards me fitoren e saj të 28-të. Këngëtarja është gruaja më e shpërblyer në historinë e Grammy-t, duke kaluar këngëtaren Alison Krauss.
“Jam shumë e nderuar, jam shumë e ngazëllyer”, tha ajo ndërsa pranoi trofeun e saj rekord-thyer, për performancën më të mirë të R&B.
Vajza e saj, Blue Ivy fitoi gjithashtu një çmim si bashkëpunëtore. Beyonce ishte e veshur e gjitha me të zeza, teksa u ngjit në skenë për të pranuar çmimin e saj.
Taylor Swift gjithashtu bëri histori në ceremoni, duke u bërë artistja e parë femër që ka fituar albumin e vitit tre herë. Ylli u shpërblye për albumin e saj, pasi fitoi më parë me Fearless në 2010 dhe opusin pop 1989 në 2016.Vetëm tre artistë të tjerë kanë fituar ndonjëherë çmimin e albumit të vitit tri herë: Frank Sinatra, Paul Simon dhe Stevie Wonder.
Dua Lipa, është nderuar me çmimin “Grammy” në kategorinë për albumin më të mirë në zhanrin pop, me “Future Nostalgia”. Ky është çmimi i saj i parë në edicionin e 63-të të ndarjes së çmimeve prestigjioze. Më 2018 kishte fituar dy çmimet e para “Grammy” në karrierë, atë për artisten më të mirë të re dhe për incizimin më të mirë dance.
“Faleminderit shumë, kjo është një çmenduri. ‘Future Nostalgia’ më ka ndryshuar jetën në shumë mënyra por një gjë që e kam kuptuar është se sa e rëndësishme është lumturia. Në fund të albumit tim të parë mendoja se duhet bërë muzikë të trishtë për të ndier se ajo ka rëndësi dhe jam mirënjohëse dhe e nderuar pasi që lumturia është diçka që të gjithë e meritojmë”, ka thënë Lipa pasi pranoi çmimin.
Fituesit e çmimeve kryesore:
Albumi më i mirë pop – “Future Nostalgia”, Dua Lipa
Incizimi i vitit: “Everything I wanted”, Billie Eilish
Albumi i vitit – “Folklore”, Taylor Swift
Performanca më e mirë R&B – Beyonce “Black Parade”
Kënga më e mirë rap – “Savage” Megan Thee Stallion ft. Beyonce
Kënga e vitit – H.E.R. “I cant breathe”
Albumi më i mirë country – Miranda Lambert “Wildcard”
Kënga më e mirë country – “Crowded Table,” Brandi Carlile, Natalie Hemby & Lori McKenna (The Highwomen)
Performanca më e mirë country duo ose grup – “10,000 Hours,” Dan + Shay & Justin Bieber
Albumi më i mirë rok – The New Abnormal, The Strokes
Kënga më e mirë rok – “Stay High, Brittany Howard (Brittany Howard)
Performanca më e mirë rok – “Shameika,” Fiona Apple
Albumi më i mirë rap – King’s Disease, Nas
Performanca më e mirë rap – “Savage,” Megan Thee Stallion feat. Beyoncé
Performanca më e mirë pop duo ose grup – “Rain on Me,” Lady Gaga and Ariana Grande
Albumi më i mirë R&B – Bigger Love, John Legend
Albumi më i mirë R&B progresive – It Is What It Is, Thundercat
Kënga më e mirë R&B – “Better Than I Imagine,” Robert Glasper, Meshell Ndegeocello & Gabriella Wilson (Robert Glasper Feat. H.E.R and Meshell Ndegeocello)
Performanca më e mirë R&B tradicionale – “Anything For You,” Ledisi
Albumi më i mirë alternativ – Fetch the Bolt Cutters, Fiona Apple
Videospoti më i mirë – “Brown Skin Girl,” Beyoncé
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
