Çfarë po ndodh me tregun e kriptomonedhave sot në botë?


Vlera e kriptomonedhave ka mbetur e qëndrueshme, pavarësisht një rënie në tregjet e aksioneve globale gjatë orëve të fundit.

Bitcoin ka rënë me 0.23% në rreth 6.484 dollarë, ndërsa XRP ka pësuar një humbje prej 2.09% dhe Ethereum me 1.38%, sipas të dhënave nga Coinmarketcap.com. Nuk është e pazakontë të shihet që Bitcoin të pësojë rënien më të ulët mes monedhave të tjera dixhitale.

Lexoni: Kriptovalutat, Rama: po bëjmë gati ligjin

Performanca e qëndrueshme e kriptomonedhave u dallua ndjeshëm me herën e fundit kur pati një lëvizje të madhe në tregun e aksioneve.

Më 11 Tetor, Bitcoin ra më shumë se 4%, ndërsa XRP dhe Ethereum u zhytën më shumë se 11%, sipas të dhënave nga Coinmarketcap.com.

Në atë kohë, gjatë tre ditëve, kriptomonedhat panë që 18 miliardë dollarë nga vlera e tyre u zhdukën kur vlera e aksioneve në tregjet botërore pësoi rënie.

Joe DiPasquale, drejtor ekzekutiv i fondit të kriptomonedhave BitBull Capital, tha atëherë se pasiguria rreth aksioneve ndikoi në tregjet e kriptomonedhave.

Lexoni: Muzikanti Akon po krijon një qytet futuristik, ku e gjithë ekonomia do të mbështetet në kriptomonedhën e tij AKoin

Kjo lëvizje më 11 Tetor gjithashtu përkonte me nxjerrjen e një raporti nga Fondi Monetar Ndërkombëtar, ku thuhej se “rritja e shpejtë e vazhdueshme e pasurive të kriptomonedhave mund të krijojë dobësi të reja në sistemin financiar ndërkombëtar.”

burimi: CNBC

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale