Çfarë po ndodh me Libra? eBay, Stripe dhe Mastercard tërhiqen nga projekti


Gjatë javës së fundit, katër korporatat e mëdha partnere janë tërhequr nga plani i diskutueshëm i Facebook për të lançuar një monedhë dixhitale të quajtur Libra.

PayPal u tërhoq të premten e kaluar dhe tani eBay, Mastercard dhe Stripe po shkojnë drejt rrugës për të dalë. Një partner tjetër i madh, Visa, gjithashtu ka qenë duke “rishqyrtuar” rolin e saj në organizatën jofitimprurëse të ngarkuar me drejtimin e Libra, sipas Wall Street Journal. Largimet pasojnë kundërshtimin ndaj projektit nga Franca si dhe House Financial Services Committee – kjo e fundit do të merret vesh nga vetë CEO, Mark Zuckerberg në një seancë dëgjimore në 23 Tetor.

Lexoni: As Mark Zuckerberg nuk mund të përqendrohet në Facebook. Libra mund të jetë shpërqendrimi i tij më i madh

Partnerët e mbetur të Shoqatës Libra, duke përfshirë Uber, Spotify dhe Coinbase, planifikojnë të mblidhen javën tjetër në Gjenevë, Zvicër, për të caktuar një bord drejtuesish për këtë grup. Kritikat e vazhdueshme për Libra i bën partnerët e Facebook gjithnjë e më shumë thelbësorë për lançimin e vërtetë të saj. Por tashmë, shumë prej peshave të rënda financiare që u regjistruan në Libra duket se kanë humbur interesin për t’i ofruar Facebook asgjë më shumë sesa mbështetje verbale.

“Ne e respektojmë shumë vizionin e Shoqatës Libra; megjithatë, eBay ka marrë vendimin për të mos ecur përpara si anëtar themelues,” tha një zëdhënës i eBay në një deklaratë të botuar nga Bloomberg. Në të njëjtën mënyrë, një zëdhënës i Stripe ka shkruar me mirësi, “Stripe është mbështetëse e projekteve që synojnë ta bëjnë tregtinë online më të arritshme për njerëzit në mbarë botën. Libra e ka këtë potencial.”

Por me sa duket nuk ka potencial të mjaftueshëm për këta partnerë që të duan të presin stuhinë së bashku me Zuckerberg.

Lexoni: Çfarë është Libra? Çdo gjë që duhet të dini rreth kriptomonedhës së Facebook

Gjtihashtu nuk mbeti pa komentuar edhe një zëdhënës i Facebook, duke shprehur deklaratën e mëposhtme:

“Ne e vlerësojmë mbështetjen e tyre për qëllimet dhe misionin e projektit Libra. Ne jemi të përqendruar për të ecur përpara dhe për të vazhduar ndërtimin e një shoqërie të fortë të disa prej ndërmarrjeve kryesore në botë, organizatave të ndikimit social dhe palëve të tjera të interesit për të arritur një implementim të sigurtë, transparent dhe miqësor ndaj konsumatorit të një sistemi global pagese që heq barrierat financiare për miliarda njerëz. Megjithëse përbërja e anëtarëve të Shoqatës mund të rritet dhe ndryshojë me kalimin e kohës. Parimi i hartimit të qeverisjes dhe teknologjisë së Libra, së bashku me natyrën e hapur të këtij projekti siguron që rrjeti i pagesave të Libra të mbetet elastik. Ne mezi po presim mbledhjen e Këshillit përurues të Shoqatës Libra dhe të shpallim anëtarët fillestarë të saj”.

burimi: FastCompany

Must watch
Business Mag Nr. #22 - Dhjetor 2019

Kemi ndjekur me vëmendje zhvillimet në ekonomi, e në veçanti ata që ne i quajmë gjeneratorët e kësaj ekonomie, sipërmarrësit privatë. Padyshim që sfidat janë të mëdha. Tregje të pa konsoliduara, konkurrencë e pandershme në shumë sektorë, pak mundësi për financim dhe investime në projekte të reja, Por ne kemi vërejtur gjithashtu një dinamikë e dëshirë të madhe për të ecur përpara.

Në Numrin 22 të Revistës së Businessmag, ju do të gjeni sipërmarrës të dhjetëvjeçarit të fundit, të cilët po shënojnë historinë e tyre të suksesit pa u ndier. Aktivë, energjikë, vizionarë dhe shumë të thjeshtë, ata mund të jenë një model shumë i mirë për t’u ndjekur. I tillë është Urani. Pasioni për perfeksionizëm e siguri nuk ia ul ritmin marramendës të ngritjes dhe zhvillimit të një biznesi. Ai sot ka ngritur një rrjet biznesesh të tija dhe administron edhe sipërmarrje të tjera.

Në brendësi të revistës do të gjeni edhe sipërmarrës të tjerë, nga Shqipëria dhe Kosova.

Ky numër u është dedikuar personazheve të suksesshshëm dhe zhvillimit të aftësive në shërbim të tregut. Ndaj i kemi dedkuar një paketë speciale artikujsh kapitalit njerëzor, rëndësisë së tij, sfidave dhe projekteve të vitit të arshshëm, të prezantuara në Shkollën Verore organizuar nga projekti zviceran “Aftësi për Punë”.

Mes personazheve ju sjellim Brizida Delvina, administratore e një hoteli në Tiranë, Ajo ka zhvilluar një karrierë ideale në fushën e hoteleri-turizmit. Edhe pse Brizida pëlqen të rrijë larg vëmendjes, ajo është një model frymëzues dhe një mentore e mundshme, tashmë edhe për ju që do …

Shiko më shumë
Na ndiqni në rrjetet sociale