Çfarë po ndodh me kompanitë celulare në Shqipëri? - Business Magazine Albania

Çfarë po ndodh me kompanitë celulare në Shqipëri?


Në ka një shpenzim të përhershëm në familjet shqiptare apo buxhetet personale është pikërisht ai për blerjen e paketës së telefonisë celulare. Por çfarë po ndodh me këto paketa në Shqipëri?!

Pas hulumtimeve në disa prej dyqaneve të tri kompanive “Vodafone”, “Eagle Mobile” dhe “Telekom” ajo që u zbulua, gërshetuar edhe me rrëfimet e vetë konsumatorëve, është me të vërtetë shqetësuese.

Të treja këto kompani mashtrojnë qytetarët, duke u shitur paketë, që nuk zgjasin më shumë se 28 ditë, por që konsumatorët i blejnë si mujore.

Nga ana tjetër luhet me sasinë e internetit që serviret. Nga 3 gigabyte, sasia zvogëlohet krejt papritur në 500 megabyte (kjo në varësi të ofertave). Për një konsumator që ka zgjedhur të komunikojë me “Vodafone”, “Eagle” apo “Telekom” vërtet që është shqetësuese, pasi dy ditë më pak komunikim dhe internet i kushtojnë.

”Di të them që kur shkova të rimbush telefonin te ”Vodafone”, oferta 800 lekësh me 3GB ishte bërë me 500 MB dhe çmimi ishte i njëjtë. E njëjta gjë ndodh edhe në kompanitë e tjera pasi kanë bërë marrëveshje.

Lexoni: 10 Kompanitë me fitime më të larta në Shqipëri

Dhe kur do të ndryshosh numrin, jo vetëm që nuk të lënë, por të merr “Vodafone” dhe të bën ofertë, të thotë ”Mos ik nga ne se të ofrojmë ofertë për një vit me gjysmë çmimi. Ulja e ditëve është bërë para disa kohësh. Kur kemi pyetur kompanitë thonë që është rregull në gjithë Europën. Por problemi qëndron se te ne nuk reflektohet në çmim, pasi ti ke paguar për 30 ditë dhe jo 28”, tregon një konsumatore.

Një tjetër konsumator tregon se po kështu ndodh edhe në 2 kompanitë te të cilat është klient, “Eagle Mobile” dhe “Telekom”.

“Kështu ndodh edhe në këto dy kompani. 28 ditë e kanë ofertën. Nuk e di pse nuk i kontrollon kush”, tregon qytetari i revoltuar.

Rrëfimet janë të pafundme dhe vërtetësia e tyre konstatohet me mesazhet që dërgojnë kompanitë në telefonat e tyre përgjatë rimbushjes, nëpër të cilat duket qartë se afati i ofertës është 28 ditë. Ajo që ndodh te këto kompani, nuk ndodh te “Plus Communication”, që vazhdon t’i ketë paketat 31 ditë.

Pse kompanitë celulare abuzojnë me qytetarët? Çfarë bëjnë autoritetet shtetërore që kanë detyrimin t’i kontrollojnë? Dhe pse kompanitë që shesin këto oferta te konsumatorët përdorin cilësimin “mujore”, kur e vërteta është krejt ndryshe.

burimi: lajme.al

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0