CEO i Walmart i kërkon Kongresit amerikan të rrisë pagën minimale - Business Magazine Albania

CEO i Walmart i kërkon Kongresit amerikan të rrisë pagën minimale


Drejtori ekzekutiv i Walmart, Doug McMillon tha të mërkurën se paga minimale federale prej 7.25 dollarësh në orë është “shumë e ulët” dhe i kërkoi Kongresit të veprojë sa më shpejt për ta rritur atë.

“Paga minimale federale është duke mbetur mbrapa,” tha McMillon gjatë takimit vjetor të aksionerëve të kompanisë në Bentonville, Arkansas. “7.25 $ është shumë e ulët.”

Lexoni: Walmart planifikon të shtojë mijëra robotë ndihmës në dyqanet në SHBA

Walmart është punëdhënësi më i madh privat në vend me më shumë se 1.5 milionë punonjës amerikanë. McMillon tha se është e qartë nga veprimet e Walmart dhe “ato të kompanive të tjera” se është koha për një ndryshim në pagën minimale federale.

Walmart e rriti pagën e tij minimale në 11 dollarë në orë vitin e kaluar dhe Amazon, rivali më i madh i Walmart, rriti pagat e tij minimale në 15 dollarë në Nëntor.

“Është koha që Kongresi të vendosë një plan të menduar mirë për të rritur pagën minimale,” tha McMillon. “Çdo plan duhet të marrë në konsideratë fazat dhe diferencat e kostos së jetesës për të shmangur pasojat e padëshiruara.”

McMillon bëri vërejtjet pasi Walmart përballet me mbikëqyrjen e senatorit Bernie Sanders dhe grupet e punës mbi pagat që paguan punonjësit e dyqaneve.

Sanders mori pjesë në takimin e aksionarëve të Walmart të mërkurën dhe paraqiti një propozim për të shtuar punonjësit me orë në bordin e korporatës.

Lexoni: Walmart patenton bletët robotike autonome

“Walmart është punëdhënësi më i madh privat në Amerikë dhe është në pronësi të familjes Walton, familja më e pasur në Shtetet e Bashkuara me vlerë rreth 175 miliardë dollarë,” tha Sanders në komentet e përgatitura para aksionarëve dhe drejtuesve të Walmart, përfshirë McMillon. “Dhe megjithë pasurinë e madhe të pronarit të saj, Walmart paguan shumë prej punonjësve të saj me paga shumë të ulëta”.

/BusinessInsider

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0