TIKTOK ka mohuar një raport të Forbes se, një ekip me bazë në Kinë në kompaninë mëmë ByteDance, planifikoi të përdorte aplikacionin për të gjurmuar vendndodhjet e qytetarëve amerikanë. Gjigandi i mediave sociale tha në Twitter se, nuk është përdorur kurrë për të “shënjestruar” qeverinë amerikane, aktivistët, figurat publike apo gazetarët, teksa po i përgjigjej një raporti në Forbes se të dhënat do të ishin aksesuar pa dijeninë ose pëlqimin e përdoruesve.
Revista amerikane e biznesit, raportoi se ByteDance kishte filluar një projekt monitorimi për të hetuar sjelljen e keqe nga punonjësit aktualë dhe të mëparshëm. Raporti thoshte se ishte e paqartë nëse të dhënat e qytetarëve amerikanë ishin mbledhur ndonjëherë, por kishte pasur një plan për të marrë të dhënat e vendndodhjes nga pajisjet e përdoruesve amerikanë. Në një seri postimesh në Twitter, ekipi i komunikimit i TikTok tha se raportit i mungonte “ashpërsia dhe integriteti gazetaresk”.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
