Businessmag edhe në Kosovë


Business Magazine Albania zbarkon në Kosovë, për të sjellë më shumë nga zhvillimet ekonomike të Kosovës dhe për të promovuar e nxitur sipërmarrjen e startup-et.

Me fokus motivimin, lehtësimin e rrjetëzimin e sipërmarrësve të rinj, edhe nga Kosova do të raportohet për ekosistemin e startup-eve, eventet, politikat e nxitjes, historitë e personazheve dhe kompanive më të suksesshme.

Shembujt e suksesit nuk kanë munguar dhe ne do t’i ndjekim dhe më shumë ato për t’ju treguar se brenda dhe jashtë vendit, shqiptarët dinë të bëjnë sukses.

Janë të shumtë djemtë e vajzat e Shqipërisë dhe Kosovës, që kanë bërë emër me punët e tyre në vende të ndryshme të botës.

Disa prej tyre Businessmag i ka intervistuar dhe ka shkruar më parë. I tillë është Lulzim Veliu, i cili prej vitesh në Gjermani ka ngritur sipërmarrjen e tij Smart Home dhe po e zhvillon tashmë edhe në Shqipëri e Kosovë.

Rina Binxhiu, është studentja në fushën e teknologjisë së informacionit, e cila për një ditë u shfaq si motivim për të gjitha gratë e vajzat në Times Square. Familja Bajrami ka tashmë një kompani të madhe në shërbimin e transportit luksoz në SHBA.

Me fokusin tek Kosova edhe djemtë e vajzat e saj nëpër botë do të kemi mundësi t’i sjellim më shpesh në Businessmag.al.

Ndërkohë një ekonomi me dinamikë rinore, pritet të ketë zhvillime të këndshme të cilat do t’i ndajmë me ju.

Një nga zhvillimet interesante së fundi është pjesëmarrja e 6 sipërmarrësve të rinj me biznese start up në Samitin Dixhital në Beograd.

Ti si lexues je i mirëpritur të na shkruash për komente, sugjerime, këshilla e kërkesa rreth sipërmarrjes, zhvillimit personal, motivimit. Businessmag Kosova është gjithashtu edhe në rrjetet sociale.

 

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale