BSH: Ekonomia po forcohet, vlerësimi i lekut e tregon këtë


Vlerësimi i monedhës vendase tregon se ekonomia shqiptare po forcohet sipas Bankës së Shqipërisë. Në raportin e Politikës Monetare për tremujorin e parë të këtij viti BSH vëren se tendenca mbiçmuese e lekut dhe rënia e vazhdueshme e euros, është ndikuar nga faktorë afatshkurtër të paktën sa i përket monedhës së përbashkët.

Në raport thuhet se, “Kursi i këmbimit forcoi ritmet mbiçmuese muajt e fundit me një mbiçmim prej 5.3% ndaj gjithë shportës së monedhave, si rrjedhojë e reflektimit të euros. Në analizat e bankës, kjo prirje është në linjë me fondamentet e ekonomisë, tregon për një ekonomi që po forcohet. Në tremujorë të veçantë, kursi është ndikuar nga prurjet valutore, që kanë qenë afatshkurtër.”

Në vlerësim e lekut, ndikim sipas bankës kanë dhënë transaksionet e operatorëve të mëdhenj, ndërsa oferta në valutë ka qenë më e lartë se kërkesa.

Prej pak ditës, monedha europiane po këmbehet në pikat e këmbimit valutor nën vlerën 127 lekë.

Lexoni: Euro zbret nën 127 lekë

Ndërkohë, banka e Shqipërisë vlerëson në raportin e saj të fundit se ecuria ekonomike përkon me pritjet e saj. “Rritja ekonomike u ngadalësua në tremujorin e katërt 2017, kurse inflacioni u rrit në tremujorin e parë 2018. Kushtet e financimit mbeten lehtësuese dhe mbështesin nxitjen e kërkesës agregate. Megjithatë, kreditimi i sektorit privat vijon të jetë i moderuar. Inflacioni mesatar i tremujorit të parë shënoi nivelin 1.9%, duke shënuar rritje të lehtë në një tremujor më parë. Rritja e atribuohet rritjes së çmimit të qirasë dhe çmimeve të administruara. Rritja e inflacionit u favorizua nga zgjerimi i kërkesës agregate dhe presioneve të brendshme të inflacionit. Inflacioni mbetet nën objektivin tonë prej 3%,” – nënvizon Banka në raport.

Sipas raportit, të dhënat e disponuara sugjerojnë për ritme të ngjashme rritjeje edhe në tremujorin e parë të vitit 2018.

Parashikimet tona sugjerojnë se ekonomia do të vijojë të rritet gjatë horizontit afatmesëm, e ndihmuar nga përmirësimi i ambientit të huaj dhe nga kushtet e favorshme të financimit në vend. Shfrytëzimi më i plotë i kapaciteteve prodhuese, rritja e presioneve të huaja inflacioniste dhe ankorimi më i mirë i pritjeve inflacioniste afatmesme, krijojnë premisa për forcim in e presioneve inflacioniste. BSH parashikon se inflacion i do të kthehet në objektiv brenda vitit 2019,” thekson BSH.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0