Biznes në kohën e COVID-19, restoranti hungarez “rishpik” rrotën

Biznes në kohën e COVID-19, restoranti hungarez “rishpik” rrotën

restoranti hungarez

I goditur nga COVID-19, pasi turistët e huaj munguan këtë vit, restoranti hungarez Costes organizoi një darkë me pamjen nga i gjithë Budapesti, në një ambjent të sigurt ndaj virusit COVID-19.

Darka u shërbye në rrotën e famshme të kryeqytetit, të quajtur “Syri i Budapestit” dhe gjeneroi shumë shitje.

“Tani është veçanërisht e rëndësishme që njerëzit të jenë në gjendje të ndahen nga klientët e tjerë për të qenë të sigurt dhe kabinat e ndara të rrotës janë ideale”, tha pronari i Costes, Karoly Gerendai.

Biletat për një darkë në kabinë kushtojnë 154,40 dollarë, secila për një vakt me katër pjata dhe shiten brenda ditësh, tha Gerendai, ndërsa klientët e pasur vendas kërkojnë t’u shmangen kufizimeve të koronavirusit.

Pronari i Costes tha se qarkullimi në një nga restorantet e tij të rihapur është në rreth një të dhjetën e niveleve të para-izolimit, duke e detyruar atë të kërkojë mënyra të reja për të bërë biznes. Gerendai po planifikon të përsërisë organizimin kur moti të ngrohet në pranverë, megjithëse nata e freskët e tetorit nuk ishte pengesë për klientët.

restoranti hungarez

“Ne donim të dilnim pak dhe të shijonim një darkë jashtë përsëri sepse kemi jetuar mjaft të mbyllur”, tha Szabolcs Balazs, i cili hëngri darkë me gruan dhe dy fëmijët e tij.

“Kemi shkuar shpesh në restorante, por për shkak të COVID ne kemi ndaluar së shkuari. Pra, ky është shansi i vetëm për ne tani, sepse këtu jemi vërtet të distancuar”, tha ai.

Ekonomia e Hungarisë po shkon drejt një tkurrjeje 5-7% këtë vit.

Reuters

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0