Birraritë çeke detyrohen t’u përshtaten strategjive të bareve - Business Magazine Albania

Birraritë çeke detyrohen t’u përshtaten strategjive të bareve


Birra ka një histori të gjatë në Republikën Çeke dhe është shijuar kryesisht në baret tradicionale të mbuluara me dru. Por, ndërsa brezat ndryshojnë, mënyrat në të cilat të rinjtë pijnë birrën po ndryshojnë gjithashtu dhe markat e birrës në vend po përpiqen të kapin ritmin e tyre.

Ashtu si shumë kryeqytete të tjera europiane, të rinjtë e Pragës po shmangin baret tradicionale në kërkim të një përvoje më moderne, raporton Reuters.

Lexoni: A është birra pija më e lirë në botë? – Ja sa kushton në vende të ndryshme të botës

Për birraritë më të mëdha të vendit, të tilla si Azahi në pronësi Plzensky Prazdroj, e cila prodhon Pilsner Urquell, kjo ka nënkuptuar eksplorimin e një koncepti të ri të barit. Ai po planifikon të hapë një bar “Pilsnerka”, një nga 20 baret që planifikon të hapë këtë vit, të gjitha të lidhura me birra të ndryshme nga portofoli i saj i gjerë.

Konsumatorët po ndryshojnë kështu që kjo është një mundësi e madhe për të sjellë diçka të re në treg”, thotë Tomas Mraz, drejtor i shitjeve në Plzensky Prazdroj.

Me një dizajn të ndryshëm, më të hapur dhe familjar, këto bare të reja kanë për qëllim të arrijnë tek një audiencë përtej pijes tradicionale mashkullore.

Megjithëse papunësia në vend është relativisht e ulët, rritja e PBB-së është gjithashtu e ulët krahasuar me mesataren globale. Ka disa shqetësime rreth ekonomisë në tërësi, sipas Deloitte.

Kjo mund të pasqyrojë rritjen e konsumit të birrës në shtëpi, e cila tani ka arritur dy të tretat e të gjithë birrës së konsumuar në vend. Për birraritë, kjo ka çuar në uljen e rezervave dhe nevojën për t’i nxjerrë njerëzit të pijnë në bare. Ndalimi i pirjes së duhanit në ambientet e brendshme në vitin 2017 mund të ketë gjithashtu një ndikim në këtë.

Baret po ndiejnë gjithashtu një rritje të konkurrencës të vendeve që shërbejnë kokteje dhe verë, së bashku me një sistem të ri të porosive elektronike të projektuara për të ndalur evazionin fiskal, gjithashtu ka rezultuar me kosto intensive për baret, duke detyruar disa të mbyllin dyqanin.

Rreth 65% e birrës së shitur në vend është në dyqane, një prirje që birraritë presin të vazhdojë. Një problem kyç me shitjet në dyqan është dobësia e produktit ndaj promovimeve, të cilat kanë efektet e dyfishta të zvogëlimit të vlerës së perceptuar të produktit – dhe rrjedhimisht elasticitetit të çmimeve të konsumatorëve – dhe gjithashtu fitimeve. Edhe pse eksportet, të cilat vitin e kaluar u rritën me 12%, ofrojnë një pamje të ndritur, tregtia mbetet çelësi i planeve të ardhshme të birrarive.

Lexoni: Birra mund të ndihmojë në lehtësimin e dhimbjeve fizike

“Birraritë po ndryshojnë strategjinë e tyre në mënyrë që konsumatorët e rinj të kenë më shumë zgjedhje, pasi ata po kërkojnë më shumë”, shpjegoi kreu i Shoqatës së Birrës Çeke, Martina Ferencova.

Gjithashtu, birraritë po eksplorojnë restorantet e branduara. Ashtu si një koncept i përditësuar i bareve, kjo ofron një rrugë të drejtpërdrejtë për konsumatorët, si dhe një përvojë të kontrolluar të markës.

“Konsumatorët janë më kërkues se më parë, ata kanë më pak kohë dhe kur vendosin të vizitojnë një bar apo restorant, ata presin një standard të caktuar”, shpjegoi Jan Trochta, kreu i divizionit të bareve të markës Staropramen të zotëruar nga Molson Coors. Kompania ishte një nga të parët që nisi një bar të branduar 20 vjet më parë.

burimi: warc

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0