Ashtu si sipërmarrjet private, edhe buxheti i shtetit pësoi dëme të mëdha nga masat shtrënguese kundër Covid, duke mbyllur për më shumë se dy muaj, pjesën më të madhe të aktiviteteve. Një rezultat i pritshëm ky për shkak të uljes së prodhimit dhe eksport-importit.
Por nevoja për të rritur shpenzimet në të njëtën kohë, bëri që deficiti buxhetor të shkojë në kushte të pazakonta. Ai gati u pesëfishua krahasuar me të njëjtën periudhë të vitit të kaluar.
Sipas të dhënave të Ministrisë së Financave, gjatë periudhës janar-prill u arkëtuan 133 miliardë lekë, ose mbi 16 miliardë lekë më pak se e njëjta periudhë e vitit të kaluar. Vetëm në muajin prill ulja e të ardhurave ishte 30%.
Ndërkohë shpenzimet e buxhetit, për shkak edhe të paketave mbështetëse u rritën mbi 4%.
Në uljen e të ardhurave ka një ndikim të madh tregtia dhe ulja rrjedhimisht ulja e të ardhurave nga TVSH.
Lexo: Rama: Gjobë për bizneset që nuk aplikojnë për pagën e luftës
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
