Bie besimi i bizneseve dhe konsumatorëve në ekonominë e vendit - Business Magazine Albania

Bie besimi i bizneseve dhe konsumatorëve në ekonominë e vendit

besimi i bizneseve

Banka e Shqipërisë, vëren se treguesi i ndjesisë ekonomike (TNE) për muajin Shtator ra më tej më tej me 1.9. Me rënie për të tretin muaj radhazi, besimi zbriti në nivelin më të ulët shënuar këtë vit.

Arsyet e kësaj rënie?! Ndikimi negative i të rritjes së çmimeve.

Sipas BSH, Treguesi i Ndjesisë Ekonomike ra kryesisht nga ulja e besimit të konsumatorëve dhe ulja e besimit të bizneseve në ndërtim dhe shërbime.

Nga ana tjetër, treguesit e besimit për sektorët e industrisë dhe tregtisë shënuan përmirësime të lehta në muajin shtator.

Treguesi i besimit në ndërtim ra mbi 5.3 pikë përqindjeje si rezultat i përkeqësimit të vlerësimit të bizneseve për aktivitetin ndërtues. Megjithatë, vlerësimi i tyre për kontratat porositëse ishte në rritje në këtë muaj. Rënie shënuan pritjet e bizneseve të ndërtimit për punësimin dhe çmimet,

Në shërbime, treguesi i besimit ra me 3 pikë përqindje në muajin shtator. Në rënie janë si vlerësimet për ecurinë aktuale të aktivitetit të tyre dhe vlerësimet për kërkesën.

Lexo: AMF miraton rregulloren e licencimit për bursat e kriptovalutave

Treguesi i besimit në industri u rrit me 1 pikë përqindje, ndikuar nga përmirësimi i kërkesës së huaj dhe të brendshme. Por, pritjet e bizneseve të industrisë për prodhimin në të ardhmen pësuan rënie. Edhe treguesi i besimit në tregti u rrit me 1 pikë përqindje në muajin e fundit të matur nga BSH.

Besimi konsumator ra me 3.1 pikë përqindje në muajin shtator. Përkeqësimi vjen nga pritjet për situatën e përgjithshme ekonomike dhe ulja e balancave si për blerjet aktuale ashtu edhe për blerjet e pritura.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #30 - Nëntor 2022
Shiko më shumë
Na ndiqni në rrjetet sociale
0