Bezos padit NASA-n për marrëveshjen e saj me SpaceX të Elon Musk - Business Magazine Albania

Bezos padit NASA-n për marrëveshjen e saj me SpaceX të Elon Musk

NASA

Firma hapësinore e Jeff Bezos, Blue Origin po padit NASA-n për vendimin që ka marrë në lidhje me një kontratë prej 2.9 miliardë dollarësh, që të bëjë të mundur udhëtimin në Hënë. Kontrata i është dhënë kompanisë SpaceX të Elon Musk.

Mosmarrëveshja buron nga një vendim në Prill për t’i dhënë kontratën një kompanie, jo dy, siç pritej, për shkak të mungesës së financimit.

NASA ende nuk ka komentuar, por ka mbështetjen e një mbikëqyrësi federal.

Në një paraqitje gjyqësore të Premten, Blue Origin tha se vazhdon të besojë se duhen dy ofrues për të ndërtuar sistemin e uljes, i cili do të transportojë astronautët në sipërfaqen e Hënës në vitin 2024. Ajo gjithashtu akuzoi NASA -n për “vlerësim të paligjshëm dhe të pahijshëm” të propozimeve të saj gjatë procesit të tenderit.

“Ne besojmë fuqimisht se çështjet e identifikuara në këtë prokurim dhe rezultatet e tij duhet të adresohen për të rivendosur drejtësinë, për të krijuar konkurrencë dhe për të siguruar një kthim të sigurtë në Hënë për Amerikën,” tha Blue Origin.

Lexoni: NASA zbulon një planet të ngjashëm me tokën

Në kohën e dhënies së kontratës, kreu i kërkimeve njerëzore të NASA-s, Kathy Lueders, pranoi se buxheti aktual i agjencisë hapësinore e përjashtonte atë nga përzgjedhja e dy kompanive. Kjo ndodhi pasi Kongresi i dha vetëm 850 milionë dollarë nga 3.3 miliardë dollarë që kërkoi për projektin.

Në vendimin përfundimtar duket se ka luajtur një rol oferta e ulët e SpaceX.

Në korrik, Bezos ofroi të mbulonte deri në 2 miliardë dollarë nga kostot e NASA-s në mënyrë që të rishqyrtohej për kontratën, por ai u refuzua.

NASA duhet të paraqesë një përgjigje ndaj veprimit ligjor deri më 12 Tetor. SpaceX ende nuk ka komentuar mbi padinë. Nën programin e saj Artemis, NASA shpreson të kthejë njerëzit në Hënë për herë të parë që nga viti 1972.

Në prill, zonja Lueders tha: “Ky hap kritik e vë njerëzimin në rrugën drejt eksplorimit të qëndrueshëm të hënës dhe i mban sytë tanë në misione më larg në sistemin diellor, përfshirë Marsin.”

/BBC

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0