BERZH prezanton platformën e trajnimit online për bizneset e vogla - Business Magazine Albania

BERZH prezanton platformën e trajnimit online për bizneset e vogla

BERZH

BERZH prezanton plaftormën për këshillim dhe trajnim online për të ndihmuar sipërmarrjet mikro, të vogla dhe të mesme gjatë pandemisë së shkaktuar nga koronavirusi.

Platforma siguron ekspertizë për administrimin e qarkullimit të parasë, furnitorëve dhe stafit gjatë situatës së krizës.

Programi synon të ndihmojë më shumë se 10.000 biznese në 30 vende.

BERZH prezanton një program pa pagesë për këshillim dhe trajnim online, për t’i ardhur në ndihmë sipërmarrjeve mikro, të vogla dhe të mesme (SMVM) që po përballen me ndikimet ekonomike të pandemisë së shkaktuar nga koronavirusi. Këto biznese të vogla private janë jetike për ekonomitë e vendeve në të cilat BERZH investon.

Programi i BERZH “Të dish si … gjatë një Krize”, është pjesë e platformës së Bankës, Akademia “Know How”, një platformë informative, ku sipërmarrësit mund të përftojnë këshilla praktike, përfshirë edhe materiale trajnimi apo konsulencë mbi menaxhimin e krizës nga ekspertë të industrisë, dhe ku mund t’i bashkohen forumeve të  diskutimit me homologë të tjerë.

Platforma do të ofrojë edhe informacione specifike lokale për mbështetjen financiare të mundësuar nga qeveritë dhe bankat në të 30 ekonomitë në të cilat BERZH investon.

Programi i prezantuar nga BERZH si pjesë e mbështetjes së shtuar gjatë krizës aktuale, do të përqëndrohet në pesë shtylla kryesore biznesi:

1)    Menaxhimi i Krizës: Klientët dhe furnitorët tuaj

2)   Menaxhimi i Krizës: Bazat e administrimit financiar

3)    Menaxhimi i Krizës: Financimi i kompanisë tuaj

4)    Menaxhimi i Krizës: Stafi juaj – aseti juaj kryesor

5)    Menaxhimi i Krizës: Sfidat e menaxhimit dhe drejtimit

Moduli i parë, “Menaxhimi i krizës: Klientët dhe furnitorët tuaj” do të ofrojë këshilla për zinxhirin e furnizimit të biznesit dhe qarkullimit të parasë. Ky modul është disponueshëm duke nisur që sot, ndërsa katër modulet e tjera do të mundësohen së shpejti, në mënyrë të njëpasnjëshme. Të gjitha modulet e trajnimit dhe informacionet do të ofrohen në arabisht, anglisht, rusisht, turqisht dhe gjuhën ukrainase.

Lexo: 3 mënyra për të maksimizuar produktivitetin e ekipit

BERZH do të bashkëpunojë me bankat partnere dhe grupe të mbështetjes së bizneseve në të gjitha rajonet për prezantimin e programit në 30 vende, me qëllim që 10.000 persona që punojnë në SMVM të mund të përfitojnë trajnim, ekspertizë dhe shërbime këshillimore gjatë muajve në vijim.

BERZH është e angazhuar për të mbështetur bizneset e vogla gjatë kësaj periudhe të vështirë duke i ndihmuar ato të krijojnë rezistencën e duhur për tejkalimin e sfidave dhe rimëkëmbjen e tyre. Pavarësisht madhësisë së kompanisë tuaj, platforma e BERZH është konceptuar të ofrojë një ndihmë praktike.

Vizitoni programin në www.ebrdknowhowacademy.com duke nisur nga data 28 Maj.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0