BERZH dhe donatorët mbështesin 5000 biznese të udhëhequra nga gratë në Ballkanin Perëndimor - Business Magazine Albania

BERZH dhe donatorët mbështesin 5000 biznese të udhëhequra nga gratë në Ballkanin Perëndimor

Ballkanin Perëndimor
  • 65 milionë euro kredi për bizneset e drejtuara nga gratë në Ballkanin Perëndimor
  • Financimi dhe mbështetja këshillimore i ka ndihmuar gratë sipërmarrëse të rrisin bizneset e tyre
  • Nisma e mbështetur me fondet e donatorëve nga Suedia, Luksemburgu dhe Italia

Rreth 5,000 firma të drejtuara nga gratë në Ballkanin Perëndimor kanë marrë financim dhe mbështetje këshilluese nga BERZH dhe donatorë që nga viti 2014, duke i ndihmuar ato të rrisin bizneset e tyre dhe të bëhen më konkurruese në treg.

Financimi për bizneset e drejtuara ose në pronësi të grave shtrihet nën BERZH dhe programin Gratë në Biznes të financuar nga donatorët, i cili promovon sipërmarrjen e grave dhe pjesëmarrjen e tyre në biznes, duke u ofruar atyre akses në financa dhe ekspertizë.

Për të prezantuar rezultatet dhe për të ndarë mësimet e nxjerra, BERZH organizoi një ngjarje duke mbledhur 13 institucione financiare partnere nga të gjashtë vendet e rajonit të Ballkanit Perëndimor, duke përfshirë banka të mëdha tregtare dhe institucione mikrofinanciare jobankare.

Deri më tani, pak më shumë se 65 milionë euro janë shtrirë për ndërmarrjet mikro, të vogla dhe të mesme të udhëhequra nga gratë nën këtë program. Më shumë se 60 përqind e këtyre kredive u jepeshin grave në zonat rurale dhe më pak të zhvilluara jashtë qendrave kryesore urbane.

Vlerësimi i ndikimit të fazës së parë të programit, që përfundoi në vitin 2019, tregoi se 96 përqind e bizneseve rritën të ardhurat e tyre si rezultat i mbështetjes së programit, nga të cilat një e treta arriti një rritje midis 25 dhe 50 përqind. Është vlerësuar gjithashtu se 94 përqind e përfituesve kanë rritur numrin e të punësuarve, duke krijuar afro 3,000 vende pune në rajon.

Gjithashtu gratë sipërmarrëse përfitojnë nga grante që subvencionojnë projektet e konsulencës, programet e trajnimit, mentorimin dhe aktivitetet e rrjetëzimit. Këto grante u financuan nga Suedia, Luksemburgu dhe Italia.

Aleksandra Vukosavljevic, drejtoreshë për Institucionet Financiare, Ballkani Perëndimor, BERZH, tha: “Sipërmarrja e grave luan një rol kyç në krijimin e vendeve të punës dhe nxitjen e rritjes ekonomike. Ne besojmë fuqishëm se krijimi i mundësive të barabarta për gratë në biznes nuk është vetëm një çështje e barazisë gjinore, por edhe një prioritet ekonomik. Kjo është arsyeja pse në vendet ku ne punojmë ne mbështesim gratë sipërmarrëse që të kenë sukses dhe të jenë më të angazhuara në biznes.”

Programi u lançua për herë të parë në Bosnje dhe Hercegovinë në vitin 2014, pas së cilës u zgjerua për të përfshirë pesë vendet e tjera të Ballkanit Perëndimor. Programi aktualisht mbështetet nga Suedia.

Maria Melbing, Drejtuese e Njësisë për Ballkanin Perëndimor dhe Turqinë, Agjencia Suedeze për Bashkëpunim Ndërkombëtar për Zhvillim, tha: Përfshirja e grave dhe sigurimi që gratë sipërmarrëse të marrin pjesë në jetën ekonomike në kushte të barabarta si burrat është thelbësore për çdo zhvillim ekonomik gjithëpërfshirës afatgjatë. Rënia ekonomike pas ndikimit të pandemisë dhe lufta e Rusisë në Ukrainë kanë goditur veçanërisht rëndë bizneset në pronësi të grave. Për rimëkëmbjen ekonomike, një sektor financiar funksional me akses në kapital dhe njohuri financiare është kritik për NVM-të në përgjithësi, dhe ato në pronësi të grave në veçanti. Me ekspertizën dhe përvojën e BERZH-it në mbështetjen e aksesit në financa nëpërmjet huadhënies dhe ndërtimit të kapaciteteve, Suedia ka besim se do të vazhdojë të jetë një mbështetje e madhe për axhendën e fuqizimit ekonomik të grave në Ballkanin Perëndimor.

Në Ballkanin Perëndimor, gratë sipërmarrëse vazhdojnë të përballen me sfida specifike gjinore, si për sa i përket aksesit në financa ashtu edhe aksesit në njohuritë, duke kufizuar mundësitë ekonomike për të krijuar dhe rritur bizneset e tyre. Për të aplikuar për financim dhe shërbime këshillimore, gratë sipërmarrëse duhet të kontaktojnë institucionet financiare partnere të mëposhtme:

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0