Bëhuni pjesë e nismës AdoptoNjëGjyshe AdoptoNjëGjysh

Bëhuni pjesë e nismës Adopto një Gjysh/e


Në kushtet e vështira të pandemisë së koronavirusit, pjesa më e rrezikuar e shoqërisë janë të moshuarit. Bashkia Tiranë  ka shpallur nismën “Adopto një gjysh ose gjyshe”, për të ndihmuar me ushqime pensionistët që jetojnë vetëm dhe nuk kanë të ardhura të mjaftueshme.

Të gjithë qytetarët, që kanë mundësi dhe dëshirë mund të bëhen pjesë e nismës duke plotësuar një formular të thjeshtë. Vullnetarët, që do t’i bashkohen nismës, do të bëjnë pazar ose do të blejnë ilaçet për të moshuarit, duke qenë se ata nuk mund të dalin nga shtëpia e tyre.

Pensionistëve iu është ndaluar që të dalin nga shtëpia, si kategoria më e rrezikuar nga koronavirusi. Numri ku të gjithë të moshuarit e vetmuar mund të kërkojnë për ndihmë në Tiranë është 08000888.

Pjesë e kësaj nisme është bërë edhe Sonila Tatili, pedagoge në Institutin Kanadez të Teknologjisë. Ne folëm me Sonilën rreth nismës. “Unë së bashku me shumë studentët e mi aplikuam dhe u bëmë pjesë e #AdoptoNjëGjyshe #AdoptoNjëGjysh. Ne kontaktuam me drejtoreshën e Shërbimit Social, Dr. Anisa Subashi dhe bashkëpunuam me të”, na tregon Sonila.

Lexoni: Ja disa këshilla të thjeshta për ruajtjen e higjienës tuaj

“Situata ku ndodhemi tani na ka prekur më shumë se kurrë, prandaj është koha që t’i gjendemi pranë të moshuarve, të cilët rrezikohen më shumë nga ky virus”, shton ajo.

Sonila së bashku me studentët e saj, që tashmë janë pjesë e nismës, i ftojnë të gjithë qytetarët që munden, të bëhen pjesë e ekipit duke ndihmuar komunitetin e tyre.

Për t’u bërë pjesë e nismës, plotësoni formularin duke klikuar këtu.

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0