BE planifikon të "frenojë" njohjen e fytyrës - Business Magazine Albania

BE planifikon të “frenojë” njohjen e fytyrës


Kanë kaluar pesëmbëdhjetë muaj që kur Bashkimi Europian futi ligje të ashpra për privatësinë e të dhënave me Rregulloren e saj të Përgjithshme të Mbrojtjes së të Dhënave (GDPR). Tani raportohet se BE planifikon kufij të rreptë në përdorimin e teknologjisë së njohjes së fytyrës.

Sipas Financial Times, zyrtarë të lartë në Komisionin Europian po hartojnë rregullore të reja për t’u dhënë qytetarëve të BE-së të drejta të qarta mbi përdorimin e të dhënave të tyre për njohjen e fytyrës.

GDPR tashmë vendos kufizime në mbledhjen e të dhënave biometrike, por zyrtarët e Komisionit duan të shkojnë më tej me legjislacion specifik për të forcuar të drejtat e qytetarëve në këtë fushë të diskutueshme.

Në fillim të gushtit, Zyra e Komisionerit për Informim në Mbretërinë e Bashkuar (IPO) njoftoi se do të hetojë raportet e mediave që një sistem i drejtpërdrejtë i skanimit të fytyrës ishte duke u përdorur në stacionin King’s Cross në Londër.

IPO tha se ishte “thellësisht e shqetësuar” dhe se duhej të kontrollonte që skanimi i fytyrave të njerëzve nuk përbën një kërcënim për privatësinë.

Ndërkohë, mbikëqyrësi i mbrojtjes së të dhënave të Suedisë këtë javë vendosi një gjobë 200,000 korona (19,000 €) në një shkollë që përdori kamera të njohjes së fytyrës për të ndjekur pjesëmarrjen e përditshme të studentëve të saj.

Midis këtyre dhe zhvillimeve të tjera, një burim i tha Financial Times se Komisioni synon të kufizojë “përdorimin pa dallim” të teknologjisë së njohjes së fytyrës.

Qytetarëve të BE-së raportohet se do t’u jepet e drejta të dinë kur përdoren të dhënat për njohjen e fytyrës, me ndonjë përjashtim “të detyruar” për të siguruar përdorimin e duhur.Çdo shtrëngim i legjislacionit në këtë fushë në zhvillim, pritet të ketë ndikime serioze për kompanitë e teknologjisë dhe autoritetet publike. Por, kjo është vetëm një pjesë e planeve më të gjera nga Brukseli për të përmirësuar administrimin e inteligjencës artificiale.

Sipas Financial Times, Ursula von der Leyen, që do të pasojë Jean-Claude Juncker si President i Komisionit këtë vit, tashmë ka thënë se do të zbulojë legjislacionin brenda 100 ditëve të para në detyrë për të siguruar një “qasje të koordinuar europiane mbi ndikimet njerëzore dhe etike të inteligjencës artificiale”.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0