BE miraton fondin prej 103.3 milionë euro për të ndihmuar Shqipërinë në rimëkëmbjen ekonomike dhe integrimin

Komisioneri i Bashkimit Europian për Fqinjësinë dhe Zgjerimin, Oliver Varhelyi është shprehur se BE-ja do të vazhdojë të qëndrojë pranë Shqipërisë edhe pse nuk është akoma pjesë e saj. Shqipëria do të përfitojë nga një paketë prej 103.3 milionë eurosh grante të cilat u miratuan së fundmi nga Komisioni Evropian. Lajmi u bë me dije përmes një njoftimi për shtyp të shpërndarë në Twitter nga ambasadori i BE-së në Tiranë, Luigi Soreca.

“Për të ndihmuar me COVID-19, i kemi bërë disa ndreqje fondit aktual për të ndihmuar Shqipërinë në përballimin e sprovave sociale dhe ekonomike aktuale dhe të së ardhmes. Paralelisht, fondet e BE-së synojnë mbështetjen e reformave kyçe që nevojiten nga Shqipëria për të implementuar dhe vijuar përpara në rrugën e saj drejt BE-së,” – shkroi në Twitter Soreca duke cituar fjalët e Komisionerti të BE-së për Fqinjësinë dhe Zgjerimin, Olivér Várhelyi.

Ndërkohë, Komisioneri i Bashkimit Europian theksoi gjithashtu se fondet që BE-ja i caktoi vendit tonë do të mbështesin edhe reformat kryesore që Shqipëria duhet të zbatoj që të integrohet në familjen e madhe Evropiane.

“Bashkimi Evropian vazhdon të qëndrojë pranë Shqipërisë. Përballë krizës COVID-19, ne kemi bërë rregullime të fondeve ekzistuese për të ndihmuar Shqipërinë t’i rezistojë sfidave aktuale sociale dhe ekonomike. Në të njëjtën kohë, fondet e BE synojnë të mbështesin reformat kryesore që Shqipëria duhet të zbatojë për të ecur përpara në rrugën e saj Evropiane”, tha ai.

LEXO: BE: 400 mln euro për vaksinën Covid në vendet në zhvillim

Programi i miratuar nga KE përqendrohet në çështje të tilla si shteti i së drejtës, të drejtat themelore dhe qeverisja e mirë. Përmes tij ofrohet edhe ndihmë për të trajtuar më tej pasojat e krizës së COVID-19. Një pjesë e fondeve parashikohen për përmirësimin e kapacitetit të Strukturës së Posaçme Anti-korrupsionin (SPAK), Byrosë Kombëtare të Hetimit (BKH) dhe institucioneve të tjera të drejtësisë. Përmes këtyre fondeve parashikohen gjithashtu financime për programe ekzistuese si Erasmus+ dhe Horizon2020, apo dhe për zhvillimin dhe përparimin e çështjeve të pronësisë.

Më konkretisht programi ndahet në:

  • BE për Qeverisje të Mirë (€48.1 milionë)
  • Mbështetja e BE-së për pjesëmarrjen në Programet e Bashkimit Evropian (€1.5 milionë)
  • Struktura e Integrimit në BE (€8.3 milionë)
  • BE për Shtetin e së Drejtës (€5 milionë)
  • BE për të Drejtat e Pronësisë (€5.7 milionë)
  • Operacioni Ndërkombëtar i Monitorimit (ONM) Faza II (€8.7 milionë)
  • BE për Rimëkëmbjen Ekonomike (€26 milionë)

Eeas.europa.eu 

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale