Një fond prej 10 milionë lekësh është vënë në dispozicion nga Bashkia e Tiranës për iniciativat e reja në biznes, që mund të ndërmerren nga të rinjë.
Projekti “Programi i nxitjes së punësimit rinor II”, parashikon që këtë vit të mund të përfitojnë 20 aplikantë, çdonjëri nga 500 mijë lekë financim.
Më mbledhjen e ardhshme të Këshillit Bashkiak (26 korrik) parashikohet të miratohet Projekt vendimi. Projekti parashikon mbështetjen e sipërmarrësve të rinj që prezantojnë ide dhe plane biznesi konkurruese, duke kontribuar kështu në punësimin e tyre dhe hapjen e vendeve të reja të punës.
Projekti ka në fokus moshat 18-35 vjeç dhe parashikohet që bizneset të funksionojnë si të gjitha bizneset tregtare e shërbimi që paguajnë të gjitha detyrimet e nevojshme në shtet.
Lexoni: Gratë sipërmarrëse, Bashkia e Tiranës ofron fonde për biznesin e tyre, ja si mund të përfitoni
Konkurrentët do të kalojnë tre faza. Kandidatët aplikojnë me idetë e tyre. Trajnohen mbi aftësitë e përgjithshme të biznesit dhe planin e biznesit dhe, fituesit e shpallur, regjistrohen në QKB dhe më pas nënshkruajnë kontratë 18 mujore me Bashkinë e Tiranës për të marrë financimin në formë granti.
Idetë me prioritet janë ato të teknologjisë dhe bizneset në bujqësi e agroturizëm.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
