Banka Qëndrore Europiane: Kërkon masa me vlerë 1.5 trilion euro këtë vit për të trajtuar krizën e Covid-19

Banka Qëndrore Europiane: Kërkon masa me vlerë 1.5 trilion euro këtë vit për të trajtuar krizën e Covid-19


Banka Qendrore Evropiane u tha ministrave të financave të Eurozonës, se bllokut mund t’i duhen masa fiskale me vlerë deri në 1.5 trilion euro (1.6 trilion dollarë) këtë vit për të trajtuar krizën ekonomike të shkaktuar nga epidemia e COVID-19.

Lexo: Analizë: Cila është strategjia e Europës për të dalë nga pandemia

Një zëdhënës i ECB nuk pranoi të komentojë.

Në një takim me videokonferencë, Komisioni i BE vlerësoi se ekonomia e bllokut të Eurozonë mund të tkurret me 10% këtë vit. Por, ministrat nuk gjetën një plan të përbashkët se si të rritnin ekonominë dhe nuk arritën të bien dakord për një tekst të përbashkët.

Në konferencën, e cila përfundoi të Mërkurën pa marrëveshje pas 16 orësh bisedimesh, Gjermania, Hollanda dhe vendet e tjera të Evropës Veriore ishin të gatshme të mbështesin masat e BE me vlerë 500 miliardë euro, thanë zyrtarët që morën pjesë në takim.

Mbështetja e BE do të mbështeste masat kombëtare, por përpjekja e përgjithshme fiskale mund të mos jetë e mjaftueshme, për të përmbushur nevojat totale të financimit, thanë zyrtarët.

Në takim Franca, Italia dhe Spanja thanë se përpjekja evropiane për të zgjidhur krizën duhet të jetë mbi 1 trilion euro këtë vit, thanë zyrtarët, në përputhje me vlerësimin e ECB për nevojat e financimit nga 1 deri në 1.5 trilion.

Lexo: “Ndihma e Luftës” për bizneset e mëdha: Kredi me interes deri 2.85 % e paga jo më të larta se 150 mijë lekë

Ndërsa pjesëmarrësit ngushtuan hendekun e pikëpamjeve gjatë bisedimeve të tyre të gjata, një marrëveshje nuk mund të arrihet kryesisht për shkak të rezistencës nga Holanda dhe Italia, thanë zyrtarët.

Italia dëshironte një marrëveshje më ambicioze me referenca më të qarta për emetimin e borxhit të përbashkët në të ardhmen, ndërsa Hollanda shtyu kushte për çdo vijë kredie të BE për vendet në nevojë.

Burimi: Reuters

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0