Banka e Shqipërisë vlerëson efektet e luftës. Si pritet të goditet ekonomia jonë - Business Magazine Albania

Banka e Shqipërisë vlerëson efektet e luftës. Si pritet të goditet ekonomia jonë

Pasojat e luftës në Ukrainë do të ndihen për më shumë se një vit në ekonominë shqiptare.  Janë këto vlerësimet e Bankës së Shqipërisë të prezantuara në Raportin e Stabilitetit Financiar për 6-mujorin e dytë të vitit të kaluar, ku analiza fokusohet edhe te ndikimi i luftës.

Sipas bankës, efektet do të prekin të gjithë zinxhirin ekonomik, për shkak të çmimeve të larta që do të rrisin edhe më tej kostot e prodhimit, duke sjellë rënie të ndjeshme të konsumit e ngadalësim të gjithë ekonomisë. Energjia, drithërat, ndërtimi dhe turizmi janë sektorët që do të goditen më shumë sipas analizës së bankës qendrore.

Por, rreziku edhe pse në mënyrë të tërthortë, do të ndihet edhe në sektorin bankar. Kjo pasi kriza e çmimeve po prek të ardhurat e qytetarëve dhe ecurinë e bizneseve, çka sipas bankave mund të sjellë pamundësinë e tyre për të shlyer në kohë kreditë e marra.

Veç rënies së konsumit, efektet negative do të ndihen edhe te investimet që sipas bankës pritet të ulen këtë vit për shkak të situatës së krijuar, ndërsa parashikohet që edhe deficiti buxhetor të zgjerohet më tej duke vënë në vështirësi buxhetin e shtetit.

Lexo edhe: FMN dhe BB: nevojitet koordinim mes politikës fiskale dhe monetare për të frenuar pasojat e luftës në Ukrainë

Edhe pse Shqipëria ka një volum të ulët tregtar me Rusinë dhe Ukrainën, çka nënkupton se nuk preket drejtpërdrejt në drejtim të tregtisë së jashtme, efektet janë të pashmangshme pasi vendi importon mallra nga vendet e tjera duke u varur kështu nga luhatjet e forta në tregjet ndërkombëtare që reflektohen më pas në rritje të kostove të mallrave në tregun vendas.

Në kushtet kur të gjitha vlerësimet e autoriteteve vendase e të huaja flasin për një frenim të ekonomisë si pasojë e zhvillimeve ndërkombëtare dhe plotësimit të nevojave të energjisë që mbetet sfida kryesore për vendin, Banka Shqipërisë vlerëson se përballimi i tyre kërkon bashkëpunim me saj dhe qeverisë në drejtim të mirëadministrimit fiskal dhe ndërmarrjen e reformave të thella për kapërcimin e krizës.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #29 - Korrik 2022

Art në biznes & biznes me art

Ky numër vjen me tema të fushave të paprekura më parë nga ne.

Sipërmarrja gjendet kudo, ndaj këtë radhë u ndalëm tek industria e modës dhe kinematografia. Arti është një fushë ku mund të lulëzojnë shumë sipërmarrje të suksesshme. Përmes investimit në art, jo vetëm bëjmë biznes, por i shërbejmë shumë më tepër identitetit shqiptar, duke krijuar mundësi të promovohen e të njihen në tregje globale, vendi, kultura dhe tradita shqiptare. Pra, të hapet rruga edhe për turizëm dhe eksporte më të mëdha.

Sot vijmë me artikuj dedikuar modës, sfidave aktuale, ndikuar nga kriza e çmimeve të larta, por edhe mundësive për zbulimin e talenteve. Muza Competition, konkursi i artistëve të rinj u kurorëzua me 10 finalistë nga diaspora dhe fitoren e një vajze të re. E sapodiplomuar në Amerikë, Alisa Dudaj, spikati, duke treguar me punimet e saj talentin dhe vlerësimin e traditës. Businessmag beson tek talentet dhe synon të frymëzojë përmes tyre. Në fushën e artit ju mund të nisni një startup, ndaj në faqen kryesore sjellim stilisten e re.

Një tjetër industri që po lulëzon mes vështirësish është ajo e kinematografisë. Financat publike vendase janë të ulëta dhe kineastët kërkojnë vë…

Shiko më shumë
Na ndiqni në rrjetet sociale
0