Ne mund të pajtohemi që kjo është shkalla më e fundit e kompanisë më të fuqishme të teknologjisë në botë që po e thellon përfshirjen e saj në jetën tonë. Por, edhe nëse do të supozojmë se Facebook nuk kishte shkelur ligjet kombëtare të privatësisë (nuk i kishte dhënë qasje Cambridge Analytics për 87 milionë përdorues), ne duhet të jemi të kujdesshëm.
Mbërritja e Facebook dhe kompanive që zotëron do të thotë që Libra do të ‘përhapet globalisht’ shumë shpejt në një hapësirë të rregulluar keq dhe potencialisht do të trondisë ekuilibrin financiar.
Këshilli i Shoqatës Libra, i përbërë nga anëtarë të institucioneve financiare kryesore, si MasterCard dhe Visa, duket se është mbledhur për qëllimin e shprehur të dhënies së besimit të përdoruesve dhe për rrjedhojë sigurimin e pjesëmarrjes maksimale.
Por, përdoruesit nuk duhet të ndihen të sigurt. Facebook nuk e ka shtëpinë e saj në rregull. Numri i skandaleve me të cilat është përballur gjatë 18 muajve të fundit ka qenë befasues. Megjithë apologjitë dhe premtimet për ndryshime, Mark Zuckerberg ka dështuar herë pas here për të mbrojtur mjaftueshëm privatësinë e përdoruesve dhe të dhënat personale.
Dy muaj pas skandalit të Cambridge Analytica në prill të vitit të kaluar, një bug software “mund” të ketë zbuluar postimet e 14 milionë njerëzve. Në shtator, ishin 50 milionë llogari që Facebook-u tha se “mund të” jenë sulmuar përmes termit “akses”. 14 milionë u gjetën të prekshme në tetor.
Më bindëse nga të gjitha, ndoshta, janë gjetjet e Damian Collins, kryetar i komitetit dixhital, kulturës, medias dhe sportit britanik. Rreth 250 faqe të dokumenteve të fshehta të Facebook-ut dëshmuan se kompania kishte konsideruar shitjen e të dhënave të përdoruesve dhe prioritizimin e dominimit të Facebook-ut mbi privatësinë individuale.
Zuckerbergu nuk ka fokus. Siç ka raportuar Michael Galpert, Facebook ka një zakon të ndryshojë vazhdimisht deklaratat e tij të misionit dhe “vizionet”. Ndonjëherë ato janë edhe kontradiktore: në vitin 2010, privatësia nuk ishte më një “normë shoqërore”. Në 2019, Facebook ishte duke u ‘përqendruar të privatësia’ (pivoting). Facebook-u vazhdon të përpiqet të jetë gjithçka për të gjithë njerëzit, shpesh me pasoja katastrofike. Inkurajimi i tij në hapësirën e lajmeve ka dëmtuar gazetarinë tradicionale. Në prill, u raportua se Facebook po kërkonte ndihmë nga e njëjta industri (gazetaria), për të gjetur redaktorët në mënyrë që të humbiste reputacionin e tij si një burim i keqinformimit.
Nga John Buni (sipërmarrës), për SDP
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
