Prokurorët në Rusi kanë lëshuar paralajmërime të ashpra për kompanitë perëndimore që tërhiqen nga vendi ose kritikojnë qeverinë e saj, raportoi të dielën The Wall Street Journal.
Burimet i thanë The Journal se kompanive në sektorë të ndryshëm u ishte thënë se drejtuesit e korporatave të tyre mund të arrestoheshin nëse kritikonin Rusinë dhe se kompanive që mbyllnin operacionet në vend mund t’u sekuestroheshin asetet.
Rusia tha javën e kaluar se mund të konfiskonte asetet e kompanive që pezulluan operacionet në Rusi. Një mori kompanish amerikane dhe europiane u tërhoqën nga vendi, pasi Rusia nisi pushtimin e Ukrainës më 24 Shkurt. Perëndimi gjithashtu, ka vendosur sanksione ekonomike gjymtuese ndaj Rusisë.
Burimet e Journal thanë se disa kompani morën kërcënimet e prokurorëve rusë javën e kaluar, duke përfshirë McDonald’s, IBM dhe Yum Brands, e cila menaxhon markat e ushqimit të shpejtë KFC, Pizza Hut dhe Taco Bell.
Lexoni: YouTube bllokon globalisht mediat e financuara nga Rusia
Burimet i thanë The Journal se disa kompani po punonin për transferimin e drejtuesve jashtë Rusisë në përgjigje të kërcënimeve.
McDonald’s tha në një deklaratë të Martën e kaluar se, po mbyllte përkohësisht restorantet e saj dhe po ndalonte operacionet në Rusi. Ajo tha se do të vazhdojë të paguajë pagat e 62,000 punonjësve të saj në vend gjatë pauzës.
“Vlerat tona nënkuptojnë se ne nuk mund të injorojmë vuajtjet e panevojshme njerëzore që shpalosen në Ukrainë,” tha CEO Chris Kempczinski, duke shtuar, “Ndërsa ne ecim përpara, McDonald’s do të vazhdojë të vlerësojë situatën dhe të përcaktojë nëse kërkohet ndonjë masë shtesë.”
IBM dhe Yum Brands njoftuan gjithashtu javën e kaluar se do të pezullonin operacionet në Rusi.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
