Apple lançoi iOS dhe iPadOS 13.5 të përditësuara, pothuajse një muaj pasi ka lançuar versionin 13.4.1 të sistemeve operative.
iOS 13.5 është një përditësim, i cili fokusohet kryesisht tek shëndeti dhe që ka të bëjë me krizën e shëndetit të shkaktuar prej COVID-19, me të cilën po përballet bota sot.
Versionet e fundit mund t’i shkarkoni duke shkuar në Settings > General > Software Update.
Gjithashtu kompania publikoi versionin iOS 12.4.7 të sistemit operativ për modelet e vjetra me përditësime kryesisht sigurie. iOS 13.5 vjen me API e krijuar nga Apple dhe Google përmes të cilit autoritetet e shëndetit publik mund të krijojnë aplikacione të afta për të gjurmuar përhapjen e koronavirusit.
Lexoni: Apple rihap dyqanet në të gjithë botën
Është një teknologji e bazuar në Bluetooth dhe do të përdoret tek aplikacionet e shëndetit.
Përdoruesit mund të përzgjedhin nëse duan ta aktivizojnë ose jo. Aplikacionet, që përdorin “Exposure Notification API” do të shfrytëzojnë Bluetooth për të komunikuar mes smartfonëve të njerëzve përreth.
iOS 13.5 e bën më të lehtë aksesimin e smartfonit përmes Face ID edhe nëse keni një maskë të veshur. Me këtë version nëse sistemi operativ identifikon përdorimin e një maske që mbulon fytyrën, do të tregojë më shpejt hapësirën për vendosjen e fjalëkalimit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
