Aplikimi i granteve për bujqësinë nis me 29 Maj. Prioritet fermat blektorale

Aplikimi i granteve për bujqësinë nis me 29 Maj. Prioritet fermat blektorale

Në fund të këtij muaji hapet mundësia e aplikimit në skemat e subvencionimit bujqësor në Ministrnë e Bujqësisë. Ministr Blendi Çuçi tha se ka nisur fushata e informimit për fermerët. Ai pranoi se pjesa më e madhe e fondeve të kësaj skeme do të shkojnë për të mbështetur blegtorinë.

Gjatë vizitës së zhvilluar në një fermë blektorale ai theksoi se, “Ne kemi menduar që për t’i ardhur në ndihmë këtij sektori kaq të rëndësishëm, rreth 80% të granteve të Skemës Kombëtare për fermerët, t’ia dedikojmë blegtorisë”.

Këtë vit, sipas tij, skema do të jetë më e thjeshtë dhe pagesat do të bazohen tek tufa bazë. “Besoj se kjo do të jetë një ndihmë shumë e madhe dhe e shtrirë në disa vite.  Mendojmë që do të bëjmë një ndryshim rrënjësor në këtë sektor”, tha ministri Çuçi.

Me këtë mbështetje synohet të rriten fermat blektorale dhe prodhimi blektoral.

Aplikimet mund të bëhen online në portalin E-Albania mes datës 29 Maj -19 Qershor.

Fondi i parashikuar në Skemën Kombëtare për këtë vit është rreth 744 milionë lekë dhe pritet të përfitojnë rreth katër mijë fermerë në të gjithë vendin.

Must watch
Business Mag Nr. #22 - Dhjetor 2019

Kemi ndjekur me vëmendje zhvillimet në ekonomi, e në veçanti ata që ne i quajmë gjeneratorët e kësaj ekonomie, sipërmarrësit privatë. Padyshim që sfidat janë të mëdha. Tregje të pa konsoliduara, konkurrencë e pandershme në shumë sektorë, pak mundësi për financim dhe investime në projekte të reja, Por ne kemi vërejtur gjithashtu një dinamikë e dëshirë të madhe për të ecur përpara.

Në Numrin 22 të Revistës së Businessmag, ju do të gjeni sipërmarrës të dhjetëvjeçarit të fundit, të cilët po shënojnë historinë e tyre të suksesit pa u ndier. Aktivë, energjikë, vizionarë dhe shumë të thjeshtë, ata mund të jenë një model shumë i mirë për t’u ndjekur. I tillë është Urani. Pasioni për perfeksionizëm e siguri nuk ia ul ritmin marramendës të ngritjes dhe zhvillimit të një biznesi. Ai sot ka ngritur një rrjet biznesesh të tija dhe administron edhe sipërmarrje të tjera.

Në brendësi të revistës do të gjeni edhe sipërmarrës të tjerë, nga Shqipëria dhe Kosova.

Ky numër u është dedikuar personazheve të suksesshshëm dhe zhvillimit të aftësive në shërbim të tregut. Ndaj i kemi dedkuar një paketë speciale artikujsh kapitalit njerëzor, rëndësisë së tij, sfidave dhe projekteve të vitit të arshshëm, të prezantuara në Shkollën Verore organizuar nga projekti zviceran “Aftësi për Punë”.

Mes personazheve ju sjellim Brizida Delvina, administratore e një hoteli në Tiranë, Ajo ka zhvilluar një karrierë ideale në fushën e hoteleri-turizmit. Edhe pse Brizida pëlqen të rrijë larg vëmendjes, ajo është një model frymëzues dhe një mentore e mundshme, tashmë edhe për ju që do …

Shiko më shumë
Na ndiqni në rrjetet sociale