Njihuni me aplikacionin që ju dixhitalizon pagesat në bare dhe restorante



Emri i saj nuk është i pa lakuar në BusinessMag.al. Ajo u shpall fituese e vendit të dytë në kompeticionin Elevatior Lab. Quhet Qëndesa Hoti dhe  është nga Prizreni.

Ka përfunduar studimet për Shkenca Kompjuterike dhe tashmë ushtron profesionin si zhvilluese software. Qëndresa gjithashtu ka studiuar edhe në Kent State University, Cleveland, Ohio, ku është përfshirë edhe në aktivitete të shumta si pjesëmarrje në workshop-e dhe konferenca të fushës së saj. Shpesh ka qenë edhe organizatore e këtyre konferencave.

Në Elevator Lab Albania & Kosovo, Qëndresa  u paraqit me projektin Shef no More, i cili ka të bëjë  me dixhitalizimin e pagesave tona të përditshme. Fokusi kryesor fillimisht janë baret dhe restorantet, ku përmes një bar kodi, që do të ngjitet në secilën tavolinë, i lidhur me lokalin, përmes këtij aplikacioni do të bëhet pagesa e asaj që konsumuat në restorant. Përmes këtij aplikacioni do të behet pagesa dhe porosia e asaj që do të konsumoni.

Për BusinessMag.al ajo thotë se ideja e saj la një impakt të mirë edhe tek juria dhe për këtë ndjehet mjaft e vlerësuar. Por për Qëndresën kjo nuk është e vetmja fitore, pasi në Startup Weekend Prishtina, ajo ka fituar një tjetër çmim të rëndësishëm.

Lexo: Elevator Lab: Raiffeisen Bank Shqipëri dhe Kosovë mbyllin me sukses programin “Sfida Rajonale Elevator Lab 2019”

E pyetur se a gjen vend ideja e saj në tregun shqiptar, Qëndresa thotë: “Shef no More gjen vend dhe pjesë të rëndësishme në tregun shqiptar veçanërisht. Duke e pasur parasysh që tregu shqiptar është shume i varfër nga ana e shfrytëzimit të të mirave të teknologjisë dhe kjo situatë eventualisht do të ndryshojë dhe do të bëjë që kërkesa  të rritet çdo ditë dhe të përqafohet nga shfrytëzuesit.”

Deri më tani ajo thotë se përkrahjen më të madhe e ka marrë nga kompanitë tech. Ajo iu bën thirrje të gjithë të rinjve që nëse kanë  një ide inovative t’a vazhdojnë përpara.

Vetëm duke punuar fort mund të arrini aty ku synoni.

Elevator Lab Albania & Kosovo Elevator Lab, është akseleratori fintech më i madh korporatë në Europën Qendrore dhe Lindore.  Dhjetë bankat e rrjetit të RBI-së në Europën Qendrore dhe Lindore (CEE) pjesë e saj dhe Shqipëria dhe Kosova mbështesin programin e gjerë të grupit me iniciativën e tyre “Sfida Elevator Lab” dhe “Elevator Lab Bootcamp”. Raiffeisen Shqipëri dhe Kosovë organizuan për të dytin vit radhazi programin “Sfida Elevator Lab”. Elevator Lab pjesë të programit të saj ka edhe shpërndarjen e çmimeve.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale