Anthony Fauci pret aprovim të shpejtë për përdorimin e ilaçit Remdesivirit, ndaj Covid-19


Eksperti kryesor i sëmundjeve infektive në Shtetet e Bashkuara tha të enjten se pret miratimin e shpejtë nga ana e qeverisë për përdorimin urgjent të Remdesivirit për trajtimin e pacientëve me COVID-19.

Lexo: Qeveria të marrë masa të tjera lehtësuese. Biseda e Bordit Drejtues të Dhomës Amerikane me ambasadoren amerkane Yuri Kim

Gjatë një interviste për rrjetin televiziv “NBC”, doktor Anthony Fauci tha se ka biseduar me shefin e Administratës së Ushqimit e Barnave, i cili siç tha ai, i ka bërë të ditur se agjensia po “ecën me shumë shpejtësi” drejt aprovimit të këtij ilaçi për përdorim.

Zoti Fauci është shprehur optimist lidhur me Remdesivirin i cili rezultoi i efektshëm kundër koronavirusit në një studim të kryer nga agjencitë qeveritare. Por ai theksoi jo për herë të parë se ilaçi nuk “nuk duhet parë si përgjigjja përfundimtare” për të ndaluar pandeminë, por “një hap i parë i rëndësishëm” në gjetjen e trajtime efektive, të cilat mund të kenë një efekt të fortë në kontrollin e shpërthimit.

Deri tani në SHBA numri i të prekurve nga koronavirusi ka arritur në mbi 1 milion e 56 mijë persona ndërsa janë regjistruar mbi 61 mijë të vdekur. Të enjten doktor Anthony Fauci, paralajmëroi gjithashtu ndaj rrezikut të rihapjes së vendit shumë shpejt i shqetësuar nga një valë e re e pandemisë.

Ndërsa disa guvernatorë shtetet po shkojnë drejt rihapjes së aktiviteteve ekonomike, zoti Fauci u bëri thirrje që të “veprojnë shumë ngadalë” nëse nuk kanë aftësi të bëjnë gjurmimin e kontakteve të pacientëve të prekur me koronavirus. “Nuk mund të nxitoheni dhe të krijoni një situatë vërtet joshëse për një rikthim tç virusit,” tha Fauci në emisionin “Sot” të kanalit NBC. “Kjo është gjëja për të cilën unë shqetësohem. Shpresoj të mos e bëjnë këtë”.

Disa guvernatorë shtetesh kanë thënë ditët e fundit se restorantet, dyqanet e shitjes me pakicë, sallonet e flokëve dhe thonjve, lojrat bowling dhe institucione të tjera mund të fillojnë të rihapen nëse dëshirojnë. Ndërsa afrohet maji të premten, Presidenti Donald Trump tha se po i jep fund kërkesës federale që amerikanët të mbajnë të paktën një distancë fizike prej dy metrash nga njerëzit e tjerë.

Lexo: 5 ligje të ndryshuara nga situata Covid 19

“Këto kërkesa do të veniten, sepse tani guvernatorët po e bëjnë këtë”, u tha Trump gazetarëve të mërkurën. Nëntë shtete po planifikojnë të lejojnë disa biznese të rihapen. 16 të tjera po heqin urdhërat ose po planifikojnë të lejojnë bizneset të rihapen së shpejti, ndërsa 25 shtetet e mbetura mbeten të mbyllura ose me kufizime në operacionet normale të biznesit.

Fauci tha se shtetet që kërkojnë të rihapin ekonominë duhet të ndjekin udhëzimet federale dhe të fillojnë të rihapen vetëm nëse ato kanë një rënie dy-javore në numrin e rasteve të reja të koronavirusit, një standard që disa shtete nuk e kanë përmbushur. Fauci tha se shtetet duhet të jenë në gjendje të identifikojnë, izolojnë dhe kontaktojnë gjurmët e njerëzve që testohen pozitivisht.

Ai tha se po punon me projektin “Operation Warp Speed” të administratës Trump për të provuar të zhvillojë një vaksinë sa më shpejt që të jetë e mundur. Fauci tha se ishte “në sferën e mundësive” për qindra miliona doza të vaksinës së koronavirusit të jenë gati deri në janar. “Ne duam të ecim shpejt, por duam të sigurohemi që është e sigurt dhe është efektive,” tha ai. “Unë mendoj se kjo mund të arrihet nëse gjërat bëhen siç duhet”.

“Ne do të fillojmë të rrisim prodhimin me kompanitë e përfshira, dhe këtë e bëjmë me një farë rreziku. Me fjalë të tjera, nuk presim derisa të marrim një përgjigje para se të fillojmë prodhimin – duke supozuar se vaksina do të funksionojë, ”tha ai. “Dhe nëse kjo ndodh, atëherë mund të shkallëzojmë prodhimin dhe shpresojmë të arrijmë në atë afat kohor” të prodhimit masiv deri në fillim të vitit 2021.

VOA

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale