Andrew Keen, autori ndërkombëtar best-seller, është folësi më i ri në Spark.me 2019 - Business Magazine Albania

Andrew Keen, autori ndërkombëtar best-seller, është folësi më i ri në Spark.me 2019


Spark.me, një nga konferencat më të rëndësishme të biznesit / internetit në Europën Juglindore, do të mbahet në datat 25-26 Maj, 2019, në Porto Montenegro Auditorium, në Tivat, Mali i Zi. Spark.me na prezanton me folësin e radhës – Andrew Keen. Andrew është autor best-selling ndërkombëtar dhe një nga komentatorët më të njohur në botë për revolucionin dixhital.

Andrew është autor i katër librave: The Cult of the Amateur, Digital Vertigo, The Internet Is Not The Answer dhe libri i fundit i tij – How to Fix the Future. Në kundërshtim me pikëpamjen mbizotëruese në internet dhe teknologjinë dixhitale, e cila fokusohet në përfitimet që ajo sjell, Andrew thotë se qeniet njerëzore nuk janë përfituesit e saj, por viktima më e madhe. Andrew është drejtor ekzekutiv i FutureCast në Silicon Valley dhe një folës publik i mirënjohur anembanë botës. Ai është moderator i shfaqjes “Keen On”, një shfaqje e njohur e TechCrunch dhe është përzgjedhur një nga “100 Most Connected Men” në 2015 nga revista GQ.

Lexoni: Çfarë ndodhi në spark.me 2018? Konferenca që mblodhi mbi 450 pjesëmarrës në Budva

Spark.me ka njoftuar deri tani pesë folës – Anab Jain (folëse në TED, dizajnere, producente dhe bashkëthemeluese e Superflux – një kompani inovacioni për dizajn dhe teknologji), Peter Shankman (5 herë autor bestseller, ekspert i shërbimit ndaj klientit dhe sipërmarrës serial. New York Time e ka quajtur “një rockstar që di gjithçka për mediat sociale.”), Jeremiah Owyang (një partner themelues i Kaleido Insights dhe Disruptive Technology Expert, i cili konsiderohet autoriteti më i madh në programet e inovacionit të korporatave) dhe Cate Murden (themeluese e PUSH, një biznes konsulence e bazuar në sjelljen njerëzore) Tom Goodwin (zëvendës-president dhe kreu i inovacionit pranë Zenith Media, një nga agjencitë më të mëdha mediatike në botë). Folës të tjerë do të publikohen në vazhdim në faqen e Business Magazine Albania.

Biletat e Spark.me janë në dispozicion në faqen zyrtare të konferencës www.spark.me. Studentët e shkollave të mesme, studentët në universitet, në studime pasuniversitare dhe PhD, të cilët janë deri në 27 vjeç mund të marrin biletën e tyre për çmimin special 50 €. Çmimi i plotë i biletës është 300 €.

Biletat e konferencës Spark.me përfshijnë: të gjitha sesionet e konferencës, konkursin startup, drekën në të dy ditët e konferencës, të gjithë “coffee breaks” në të dy ditët e konferencës dhe një pritje koktejli në mbrëmjen e ditës së parë të konferencës. Në biletë nuk përfshihen akomodimi dhe transporti. Të gjitha biletat e blera mund të transferohen tek një person tjetër (“ndryshim emri”), por nuk mund të kthehen.

Spark.me, një nga konferencat më të kuruara të biznesit / internetit në Europën Juglindore, do të mbahet në datat 25-26 Maj, 2019, në Porto Montenegro Auditorium, në qytetin e Tivatit, zemra e industrisë së turizmit bregdetar të Malit të Zi. Ky është viti i parë që Spark.me do të mbahet në Portin e Malit të Zi, në portin kryesor të lundrimit të Mesdheut dhe të përdorë një nga auditorët më të mëdhenj dhe më të mrekullueshëm të Malit të Zi.

Lexoni: 5 Mësime të vlefshme marketingu nga konferenca Spark.me

Ju mund të gjeni më shumë informacion në lidhje me konferencën në faqen zyrtare të Spark.me, në faqen në Facebook, në Twitter dhe në Instagram

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

✨ Thënia e ditës
“Nëse nuk ndërton ëndrrën tënde, dikush tjetër do të të punësojë për të ndërtuar të tijën.”
— Tony Gaskins
Must watch
Business Mag Nr. #38 - Qershor 2025

Shqipëria është sot më pranë se kurrë Bashkimit Europian. Hapat integrues të ekonomisë drejt njëjtësimit me standardet europiane, transformimi digjital, ligji për mbrojtjen e të dhënave, qasja ndaj inovacionit dhe mbrojtja e pronës intelektuale, janë të gjitha tregues të një Shqipërie që po zhvillohet me ritme të kënaqshme.

Kjo nuk është më Shqipëria e viteve të gjumit institucional dhe të një sektori privat që rri në pritje. Sot, vendi është në lëvizje. Nga hapësirat e betonit gri të Piramidës në Tiranë, ku të rinjtë po programojnë të ardhmen, e deri te sipërmarrjet që sjellin zgjidhje inovative dhe injektojnë ritëm e ambicie në treg, po ndërtohet një ekonomi që kërkon të jetë pjesë e botës së zhvilluar.

“Krijo, por mbro!” – ky apel i DPPI-së duhet të shkruhet në çdo zyrë, studio, fabrikë apo laborator. Nuk ka zhvillim pa siguri ligjore, dhe nuk ka ekonomi kreative pa mbrojtje të së drejtës autoriale.
Në të njëjtën kohë, Bashkimi Europian po zgjat dorën me fonde dhe projekte konkrete. Nga modernizimi i rrjetit hekurudhor tek financimi i startup-eve dhe sipërmarrjeve të gjelbra, mbështetja e BE-së po i jep frymë një transformimi të qëndrueshëm ekonomik. Platformat si Think Big dhe programet e edukimit digjital janë duke krijuar një ekosistem të ri për inovacionin.

Për bizneset shqiptare, e tashmja është një mundësi që nuk mund të shpërdorohet. Standardet …

Shiko më shumë
Na ndiqni në rrjetet sociale
0